ने. सं. ११४६ दिल्लाथ्व सप्तमी -

निशाया हत्या जूगु प्रहरीया अनुमान

येँ (नेपालभाषा टाइम्स) = न्हूगु बसपार्कया छगू गेस्ट हाउसय् सिनाच्वंगु अवस्थाय् लूम्ह निशा सुनुवारया घटनायात कयाः अनुसन्धान जुयाच्वंगु प्रहरीं धाःगु दु । सुनवारया हत्या जूगु प्रारम्भिक अनुसन्धानं खुले जूगु प्रहरीं धाःगु दु । वंगु साउन ३ गते क्वथा सफा यायेगु झ्वलय् नवयेवं गेस्ट हाउसया कर्मचारीं प्रहरीयात खबर याःगु खः । उगु क्वथा छम्ह ल्याय्म्हया नामय् बुक यानातःगु खःसा निशा असार २८ गतेनिसें गेस्ट हाउसय् च्वना वयाच्वंगु खः ।