जगतसुन्दर मल्लया १३६ क्वःगु बुन्हिया लसताय् ¥याली

येँ – जगतसुन्दर ब्वनेकुथिया ग्वसालय् मास्तर जगतसुन्दर मल्लया १३६ क्वःगु बुन्हिनापं नेपाल संवत् ११४० न्हूदँया लसताय् छगू ¥याली जुल । वंगु ने.सं. ११३९ कौलागा त्रयोदशि, क्वःपुजा कुन्हु जगतसुन्दर मल्लया बुन्हिया लसताय् लाकाः उगु ¥याली पिदंगु खः ।

‘गुगु जातिया गुगु भाषा जुयाच्वन, उगु हे भासं ज्ञान बिउसा याउँक थुइका काइ’ धकाः राणाकालय् हे मांभाय् व मांभासं शिक्षा बीगु निंतिं सः थ्वयेकादीम्ह नेपालभाषाया प्यंगःथांमध्ये छगः नापं मांभासं शिक्षाया बीगु अभियानया प्रणेता जगतसुुन्दर मल्लया बुन्हिया लसताय् नापं नेपाःया राष्ट्रिय विभूति शंखधर साख्वालं नीस्वंगु नेपाल संवत् ११४० न्हूदँया लसताय् लाकाः ब्वनेकुथिं थुकथं ¥याली याःगु खः ।

येँ मनपाया प्रमुख विद्यासुन्दर शाक्यं ब्वनेकुथिया परिसरय् च्वंगु मास्तर जगतसुन्दरया झ्वाताय् स्वांमाः क्वखायेकाः उलेज्या यानादीगु ¥याली लखुतीर्थ, दलू (चौतारा), तपिंताँ, ताम्सिपासा, न्यतपाःच्व, न्यत, प्याफः, मरु, इलाछेँ, भिंद्यः त्वाः, परोपकार मार्ग, खुसिबही जुयाः ब्वनेकुथिइ हे थ्यंकाः क्वचायेकूगु खः ।

¥याली ताःलाकेत ग्वाहालि यानादीपिं व ब्वति काःगु संघसंस्थायात प्रदेश नं. ३या सांसद राजेश शाक्यं सुभाय् पौ लःल्हानादीगु खःसा सांस्कृतिक बाजंसहित पिदंगु ¥यालीइ ब्वनेकुथिया संचालक समिति, शिक्षक, शिक्षिका, ब्वँमिनापं नेपालभाषाया आपालं व्यक्तित्वपिनिगु नं उपस्थिति दुगु खः । जगतसुन्दर मल्लया हे नामं नीस्वनातःगु ब्वनेकुथिपाखें वय्कःया बुन्हिया लसताय् दँय्दसं थुकथं नसंचा उलेगु याना वयाच्वंगु दु ।

सम्बन्धित बुखँ

LEAVE YOUR COMMENTS