मापदण्ड हाचा गायाः दयेकातःगु संरचना थुनेगु शुरु

थिमि – मध्यपुर थिमि लागाय् मापदण्ड हाचा गायाः दयेकातःगु संरचना थुनेगु ज्या शुरु जूगु दु । वंगु वालंनिसें मध्यपुर थिमि नगरपालिकां उकथंया संरचना थुनेगु ज्या न्ह्याकूगु खः । नगरपालिकां शंखधर साख्वाः चोकंनिसें सूर्यविनायक नगरपालिका स्वाइगु दधिकोट तकया थासय् मापदण्ड अःखः दयेकातःगु संरचना थुनेगु ज्या याःगु खः । न्हियान्हिथं सतकय् ट्राफिक जाम जुइगु नपं लँजुवाःतय्त तकं समस्या जुइगु जुइवं नगरपालिकां उकथंया संरचना थुनेगु ज्या न्ह्याकूगु खः । नगरप्रमुख मदनसुन्दर श्रेष्ठं ट्राफिक जाम व लँजुवाःतय्त समस्या जुइवं सतक मापदण्ड हाचां गायाः दयेकातःगु टहरा, पसः, छेँया स्वाहाने लगायतया संरचना थुनेगु ज्या जूगु जानकारी बियादीगु दु । नगरप्रमुख श्रेष्ठं कनादीकथं सतकय् ट्राफिक जाम जुइवं प्रहरीं थःगु हे कुतलं उगु लागाय् एकतर्फि सतक संचालन याःगु खः । अथे याःसां जामया समस्या मज्यनेवं नगरपालिकां संरचना थुनेगु ज्या न्ह्याकूगु खः । मापदण्ड अःखःया संरचना थुनेगु ज्या लिपा आः उगु लागाय् सतक विस्तार यायेगु व फुटपाथ निर्माण यायेगु