आरआरय् नेपालभाषा ब्वंकेत ज्ञापन

येँ – मातृभाषा दिवसया लसताय् थनया आरआर क्याम्पसया विद्यार्थीतय्सं उगु क्याम्पसय् नं नेपालभाषा ब्वंकेत इनाप यासें ज्ञापन–पत्र लःल्हाःगु दु । तर इतिहास विषयया प्रमुख लिसें क्याम्पसया सहायक प्रमुख दोलराज काफ्लें धाःसा उकियात अस्वीकार यानादीगु दु । वय्कलं नेपालभाषा ब्वनीपिं
झिम्ह निसें झिंन्याम्ह वा व स्वयां अप्वः विद्यार्थी दुसा जक थःपिंसं नेपालभाषा विषय ब्वंके फइगु खँ धयादीगु खः ।

क्याम्पसया नेवाः विद्यार्थीतय्सं मातृभाषा ल्यंकेगु खःसा क्याम्पसय् नं नेपालभाषा ब्वंकेमाः धकाः उगु ज्ञापन–पत्र लःल्हाःगु खः । क्याम्पसय् इतिहास विषयया स्वम्ह प्यम्ह जक विद्यार्थी दुसां उगु विषय ब्वंकाच्वंगु तर नेपालभाषा ब्वनेत न्हय्म्ह च्याम्ह विद्यार्थीत इच्छुक जूसां सहायक प्रमुख काफ्लेया लिसलं थःपिं निराश जूगु खँ विद्यार्थी इन्द्रमान महर्जनं कनादिल । थनिं स्वदँ प्यदँ न्ह्यः तक क्याम्पसय् नेपालभाषा ब्वंकाच्वंगु खःसां विद्यार्थीया अभाव जुयाः लिपा थुगु विषय ब्वंकेगु बन्द जूगु खः ।

सम्बन्धित बुखँ

LEAVE YOUR COMMENTS