थनिंनिसें ताःहाकःगु रुटया गाडी नं चले जुइगु

येँ (नेपालभाषा टाइम्स) – कोरोना महामारीया कारणं बन्द यानातःगु ताःहाकःगु रुटया यातायात सेवा थनिंनिसें हानं शुरु याइगु जूगु दु। सरकारं लागू यानातःगु लकडाउनयात छ्वासुकेगु झ्वलय् थनिंनिसें ताःहाकःगु रुटया गाडी नं चले याकेत्यंगु खः । थ्व गाडीतय्त स्वनिगः दुने थें जोर विजोर प्रणाली धाःसा लागू जुइ मखु। लिसें थुमिसं मेमेबलय् थें टन्न धायेक यात्रु नं तया हये दइ मखु। यात्रु हयेगु सवालय् सरकारं न्यागू बुँदाया छगू नियम नं पिकाःगु दुसा व्यवसायीतय्सं उकियात पालना यानाः जक गाडी चले याये दइ । यातायात भाडा दर धाःसा छुं भचा अप्वयेके दइ ।