युएस ओपनय् नाडाल सेमिफाइनलय्

राफेल नाडाल युएस ओपनया सेमिफाइनलय् दुहां वंगु दु । नीगू ग्रान्डस्लाम उपाधी त्याकातःम्ह रोजर फेडररया बराबरी यायेगु निंतिं न्ह्याः वनाच्वंम्ह नाडालं म्हिगः क्वार्टरफाइनलय् डिएगो स्वार्टजम्यानलिसे कठीन जीत चूलाकुसें सेमिफाइनलय् दुहां वंगु खः । निगूगु सीडया स्पेनिस कासामि नाडालं नीगू सीडया अर्जेन्टिना कासामि स्वार्टजम्यानयात ६–४, ७–५ व ६–२ या सेटं बुकूगु खः ।

३३ दँया नाडालं आः सेमिफाइनलय् इटलीया २४ औं सीडया माटिओ बेरेटिनीलिसे म्हिती । बेरेटिनी क्वार्टरफाइनलय् गेल मोन्फिल्सयात बुकाः सेमिफाइनलय् दुहां वःगु खः । थुगुसी सेमिफाइनलय् थ्यंपिं बेरिटिनी, ग्रिगोर डिमिट्रोभ व डानिल मेडभेडेभ स्वम्हं आःतक छक्वः हे ग्रान्डस्लामया सेमिफाइनलय् मथ्यंनिपिं कासामि खः ।

सम्बन्धित बुखँ

LEAVE YOUR COMMENTS