‘मचाया नसा, मांया तिसा, बौया न्ह्यवःसा ।’ यइपुसे च्वंगु क्वाः । क्वाःकासा म्हितेगु लुमनी । क्वाःकासा धइगु सामान्य ज्ञानया परीक्षण जक मखु । थ्व छगू बिस्कंकथंया बौद्धिक कासा नं खः । क्वाः भचा गथः गथः चिनी । अर्थ फ्यनेत न्ह्यपु नायेके माली । चुले माली । वस्तु छगू हे खः । तर माचा, मां व अबुया सन्दर्भय् इमि अर्थ पाइ ।
भूमिका पाइ । थीथीकथंया ज्या याइ ।क्वाःया अर्थ तप्यनीमखु । गुइँ गुइँ निलाच्वनी । स्वतुमतु स्वया च्वं थें च्वनी । हरेक जाति, जनजातितय् थःथःगु कथंया क्वाः दइ । दयाच्वनी । थ्व अमूर्त लोक संस्कृतिया अंग खः । हरेक जाति, जनजातिया क्वाःकासाया अध्ययन यायेबलय् इमि लोकस्तरय् दयाच्वंगु बौद्धिक खेल, मनोरञ्जनया बारे अनुभव याये फयाच्वनी ।
लोकस्तरय् बौद्धिक धायेबलय् प्राज्ञिक, उच्चस्तरीय, शैक्षिकस्तरया बौद्धिक जुइमखु । व जनस्तरया सामूहिक जुइ । जनस्तरया अशिक्षित, अप्रशिक्षित वर्गत नं बौद्धिक दृष्टिं निष्क्रिय, शुन्य हे जुइ धइगु मखु । इमिगु जीवनय् नं नैसर्गिक रुपय् बुद्धि, विचाः, चिन्तन, सोचत अतिकं क्रियाशील जुइ । लोक जनस्तरय् नं तसकं च्वन्ह्याःगु साहित्य, कला, संगीतया सिर्जना जुइ ।
अनेककथंया मार्मिक अलंकारतय् प्रयोग जू । हरेक जातिया लोकवार्ताया गहन अध्ययनं थ्व स्पष्ट जुइ । कला, उखान टुक्का थ्व फुक्क लोक सम्पदा खः । अमूल्य । तर । थौं लोकसंस्कृति, कला, साहित्यया संवद्र्धन यायेगु पुलांगु प्रतिया मोह खः । प्राचीनतापाखे लिहां लिहां वनेगु प्रतिगमन जुइ । अप्रगतिशील सोच ।
थौंया आधुनिक गतिशील युगय् पुलां पुलांगु खँय् ततःक्यनाच्वनेगु जडसूत्रीय सोच खः । जुइ । गुलिखे न्हू न्हूगु खँत सीके, सयेकेत इलं मलाइबलय् कथित पुलांगु सम्पदाय् फसे जुयाच्वनेगु बुद्धिमानी मखु । ‘जिमि आजुपिंसं घ्यःजा नल, जिगु ल्हाः नतुना स्व’ धकाः फुर्ति याये थें जक खः । जुइ । मतलवहीन । धाइपिं दइ । तर अथे मखु यथार्थ ।
तर ‘…….. मिजंया न्ह्यवःसा’ क्वाःया थ्व अंशय् थ्यंकाः न्ह्यपु तिर्मिरे जुइ । छु धाःगु थ्व ! छि ! गथः फ्यनेत थाकुइ । थुबलय् हे श्रृंगार रसया कामुक कविपिनि ‘नेखशिख’ वर्णन दुगु कामुक कविता लुमनी ।
लोक साहित्य, कला, संस्कृति दुने सदाबहार खँत दइ । गुगु गुगुं इलय् नं स्यंके फइमखु । न्ह्यंके फइमखु । लोकसंस्कृति, साहित्य, क्वाः, उक्ति, खँत्वाः खँभाय्यात वाला स्वयेबलय् अन शाश्वत खँत दयाच्वनी । वर्तमान इलय् नं उतिकं औचित्यपूर्ण, नवीनतत्वत लुयाच्वनी ।
स्तनपान दिवस । मस्तय् निंतिं मांया दुरु अमृत खः ।
उलि पोषक नसा मेगु छुं दइमखु । उकिं । मांपिंसं थः मचातय्त दुरु त्वंके माः । त्वंके हे माः । वैकल्पिक नसा जित्तलेछ्यले मजिउ । छ्यले दइमखु । स्तनपान दिवसया तःधंगु सन्देश जुइ । स्तनपान दिवसया थ्व सन्देश न्यनये । ‘मचाया नसा…………….’ क्वाः लुमनी ।
थ्व क्वाः थौं म्हिगःया मखु । गुलिखे न्ह्यःया ।
तर । थ्व क्वाःया सन्देश गुलि वैज्ञानिक, गुलि सामयिक, मनय् तिक्क मिनी । स्तनपान धायेबलय् मांया दुरुया अर्थ वइ । तर थौंकन्हय स्तनपानं विविध रुप कया हये धुंकी । मचातय्त धाइमामं नं दुरु त्वंकूपिं दु । अझ थौंकन्हय् मचा बुइका बीपिं बालघरि मां नं दयेधुंकल । आः बालघरिया मांपिनिपाखें दुरु त्वंकेगु चलन नं वल ।
अझ ला अजू चायापुगु खँ ! ग्वाय् दुम्ह मामं मचायात दुरु त्वंकाच्वंगु चित्र नं खना । लिंग परिवर्तन यानाः मिजंनं मिसा जूम्ह ‘ट्रान्सजेन्डर मां’ जुयाच्वन व । हाकनं । स्तनपान थौंकन्हय् मचातय् नसाया रुपय् जक महत्वपूर्ण मखसेधुंकल । मय्जुपिनि दुरु दुगु विशेष च्या मीगु रेष्टुरेन्ट नं दयेधुंकल ।
थथे हे जूसा मय्जुपिनि स्तनया दुरु बजारय् मीगु निंतिं नं मदइ धकाः धाये फइमखु । डीडीसी, सीतारामया दुरुया पाकेट थें !मेगु जिज्ञासा ! ‘मचाया नसा, मिसाया तिसा ……..’ लुमनी । मिसाया तिसा छाय् धाःगु ? स्तनपानयात ! पलख घरे जुइ ! झ्वाट्ट छम्ह हिरोनी मय्जुं थःगु स्तनय् कियातःगु ट्याटु लुमनी ।
न्हापा न्हापा अजि, मांपिंसं थःगु छाति उलाः जुइमखु । गां किका तइ । तर । थौंकन्हय् महिलावादीतय्सं एन्टी ब्रा (ब्लतष् द्यचब) आन्दोलन न्ह्याकी । पारदर्शी स्तनया मुक्तिया पक्षय् सः थ्वयेकी । स्तन । मिसातय्त प्रकृतिं बियाहःगु जैविक तिसा खः । थौं गुलिखे मय्जुपिंसं गर्व याइ । थःगु स्तनयात आकर्षक यायेत ‘कस्मेटिक सर्जरी’ यानाः अनेक आकार, डिजाइन बी ।
छगू विदेशी टी.भी । समाचारवाचिका मय्जु । वं थःगु आंशिक स्तन प्रदर्शन यानाः समाचार ब्वनाच्वंगु खने दइ । अनेक घटना, अनुभवं ‘…….. मिसाया तिसा …….. क्वाःया अंशया अर्थ थुइके । तर ‘…….. मिजंया न्ह्यवःसा’ क्वाःया थ्व अंशय् थ्यंकाः न्ह्यपु तिर्मिरे जुइ । छु धाःगु थ्व ! छि ! गथः फ्यनेत थाकुइ ।
थुबलय् हे श्रृंगार रसया कामुक कविपिनि ‘नेखशिख’ वर्णन दुगु कामुक कविता लुमनी । श्रृंगार रसया कवि भाजुपिनि कविताया मू विषय हे प्रियसीपिनि वासनात्मक अंग प्रत्यंगय् दुनाच्वनी । श्रृंगार कविपिनि कविता मांसल जुइ । ‘नन्भेज ।’ विचाः यायां वने । लँय् प्रसिद्ध यौनशास्त्री सिग्मण्ड फ्रायड नापलाइ ।
क्वाःया अन्तिम अंश ‘…….. मिजंया न्ह्यवःसा’ बारे थःत अस्पष्ट जूगु खँ कने । फ्रायडं धाइ ‘ध्वादः ! थन न्ह्यवःसाया खँ मखु । कामक्रिडाया संकेत खः । शाश्वस सत्य ।’ हाकनं पलख लिपा प्रसिद्ध प्रकृतिावादी वैज्ञानिक डार्विन नाप लाइ । थःगु समस्या वयात नं कने । मुसुमुसु न्हिलाः वं लिसः बी । ‘मनूत नं मूलत पशु हे खः ।
व प्रकृतिया नियमं न्ह्याः वनी ….. । सभ्यता कृत्रिम खः ।’ थुलि धयाः डार्विन ‘बाई’ धयाः वनी । जि न्ह्याः वनां च्वने । जि तक्क दी । ओशोया प्रवचन थ्वयाच्वनी ‘सम्भोग से समधि तक’ । न्यने । जि गम्भिर जुइ । ‘…….. अबुया न्ह्यवःसा’ । अमहिलावादी अभिव्यक्ति थें ताइ । सांकेतिक अर्थ थुइके । अहो ! शाश्वत काम । अन फ्रायड, डार्विन, ओशो नतमस्तक खंके । क्वःया छझ्वः दुने नं शाश्वत क्वाःया अर्थ
लुइके ।
LEAVE YOUR COMMENTS