ने. सं. ११४६ बछलाथ्व चौथी - बुंगद्यः सालिगु

बुद्ध मूर्ति तोडफोडया विरोध

येँ – नेपाःया तिलोत्तमा नगरपालिकाय् भगवान बुद्धया न्यागू मूर्ति तोडफोड याःगु खँय् बेलायतय् च्वंपिं नेपाःमितय् संस्था ‘लुम्बिनी नेप्लिज बुद्ध धर्म सोसाइटी (यूके)’ पाखें विरोध प्वंकूगु दु । सोसाइटीपाखें छगू वक्तव्य जारी यासें तिलोत्तमा नगरपालिकाया सिद्धार्थ राजमार्गय् तयातःगु बुद्धया मूर्ति न्ह्याम्हेस्यां स्यंकूगु खःसां उपिं शान्तिया विरोधी खः धाःगु दु। बौद्ध आचरण कथं उमिगु विरुद्ध छुं नं कथं आक्रोश प्वंके माःगु आवश्यकता मदु धासें वक्तव्यय् अज्याःगु ज्या याःपिंत सरकारं ज्वनाः सजाय बीत नं माग यानातःगु दु ।