देगःया त्वानाःसिँइ कियातःगु कला सम्बन्धी सफू

येँ- स्वनिगः छगू देगःया देगलं जायाच्वंगु सहर खः । थन दुगु दक्वं थें देगः त्वानाःसिँ तयाः दयेकातःगु दु । थ्व हे त्वानाःसिं काष्ठकलाया अनुपम नमूना न्ह्यब्वयाच्वंगु दु । त्वानाःसिं थ्व हे अनुपम काष्ठकलायात पिब्वयेकथं छगू सपूm बजारय् पिदंगु दु ।

स्वनिगःया थीथी देगलय् तयातःगु त्वानाःसिँइ कियातःगु काष्ठकलाया महत्वयात पिब्वयेकथं अंग्रेजी भासं च्वयातःगु क्बअचभम यिखभ (पवित्र मतिना) नांया सफू पिहां वःगु खः । उगु सपूm सिंगापुरया नागरिक शिवजी दासं स्वनिगःया थीथी थासय् च्वंगु देगःया ताःहाकःगु अध्ययन–अनुसन्धान यानाः प्रकाशनय् हयादीगु खः ।
सफुतिइ देगलय् च्वंगु त्वानाःसिंया महत्व, काष्ठकलाय् कियातःगु प्रेमयुक्त कला व कलाकारिताया विषयया ऐतिहासिक पक्षलिसें त्वानासिंइ कियातःगु कामोत्तेजक किपाया नं संग्रह यानातःगु दु ।

सफू पितब्वज्या ज्याझ्वलय् नवासें प्राध्यापक डा. अभि सुवेदीं प्राचीन इलय् स्वनिगःया धार्मिक यथार्थता व सांस्कृतिक विविधता व संस्कृति दुनया सिर्जनालिसें कलाकारतय् शिल्पकलाया बारे च्वयातःगु सपूm अतिकं महत्वपूर्ण जूगु धासें अध्ययन याइपिनिगु निंतिं सपूm अति सहयोगी जुइगु विश्वास प्वंकादिल ।
ज्याझ्वलय् मण्डला बुक प्वाइन्टया माधवलाल महर्जनं लिच्छवीकालीन व मल्लकालीन युगया इलय् विकास जूगु काष्ठकला व तत्कालीन धार्मिक मान्यता थुइकेत थ्व सफू उपयोगी जुइ धासें सफुतिं धार्मिक पर्यटन अप्वयेकेत नं ग्वाहालि याइगु विश्वास प्वंकादिल ।

सफूया च्वमि दासं प्राचीन इलय् नेपाःया धार्मिक विश्वास व तान्त्रिक पक्षय आधारय् निर्माण जूगु देगः व सम्पदास्थलया महत्वयात अन्तर्राष्ट्रिय स्तर जानकारी बीगु ल्याखं उगु सपूm प्रकाशनय् हयागु धयादिल ।

सम्बन्धित बुखँ

LEAVE YOUR COMMENTS