नेताजुपिं ! तर ……..

धाइ । थौं देशय् नेतातय् राजनीतिक सिद्धान्त क्यनेगु वा जक खः । शोभाया निंतिं । दुनेया न्ह्ययेगु सिद्धान्तया वा मेगु हे दइ । जुइ । व मनूतय्त इन्द्रजालय् तक्यंकेत पिनेया देखावटी सिद्धान्तं ज्या काइ । तर थःगु दुने दुनेया गुप्त स्वार्थ, महत्वाकांक्षा पूवंकेत मेमेगु हे छद्म सिद्धान्तया कुत्सित खेलं ज्या काइ ।

जनतायात लखय् मिखा कंकी । थःगु स्वार्थ सिद्धिया निंतिं सोझासिधा जनतायात अधिकतम दोहन याइ । थौंकन्हय् । लोक सेवा आयोग तीव्र विवादय् वयाच्वंगु दु । राज्यया फुक्क धइथें महत्वपूर्ण संस्थात बदनाम जुया वनाच्वंगु झ्वलय् लोक सेवा आयोगं नं थःगु कुकृत्यया ख्वाःपालं पुयाः झ्वः छू वःगु दु ।

विगतया इतिहासया पक्षपात, दमन, शोषण व अवहेलनाया कारणं गुलिखे जाति, वर्ग, लिंग, समूह, समुदायतसें असह्य विभेदया उत्पीडन फयेमाःगु दु । ध्याकुनय् च्वनाः आवाजविहीन जुयाः म्वाये माःगु दु । देय्या शक्तिशाली मनूतय्सं थःगु यकःति यानाः इतिहासयात हे मुक्कं थःगु नियन्त्रणय् तयाः थःयथे न्ह्याकूगु दु ।

उकिं देय्या विगतया इतिहास सम्पूर्ण देय् व जनताया इतिहास गबलें मजुल । विशेष सुविधा भोगी, अधिकार, सम्पन्न जाति वर्गया जक जुल । थौं देय् जनताय् न्हूगु जागरण वइ । चेतना दनी । जनता थःगु न्यायोचित अधिकारप्रति सचेत जुइ । संघर्षशील जुइ । म्हिगःया सीमित एकाधिकारवादीतय् इतिहासप्रतिया बर्चस्वताया विरोध याइ ।

देय्या इतिहासय् थःगु नं न्यायोचित थाय् दयेमाः । दावा याइ ।विश्वय् अनेक स्वतन्त्रताया आन्दोलन न्ह्याइ । समानता, अधिकारया निंतिं । निरंकुश शक्तिपिपासु शासकतय् विरोधय् क्रान्ति जुइ । विश्वय् वःगु जागरण चेतनाया लहरं देशय् च्वंपिं विभेदग्रस्त उत्पीडित जाति, वर्ग, लि· थःथःगु मुक्तिया निंतिं क्रियाशील जुइ । जागृत जुइ । संघर्षय् कुहां वइ ।

थौं नेपालय् नं विगतया विभेदकारी इतिहासं पीडित जनजाति, मिसा वर्ग, दलित वर्गतसें राज्यया हर क्षेत्रय् थःगु समावेशीताया निंतिं सः थ्वयेकी । समावेशीतां बञ्चित जनतां देय्या म्हिगःया विभेदग्रस्त इतिहासयात गलत खंकी । अस्वीकार याइ । न्हूगु न्यायोचित समावेशीय, समानुपातिक इतिहास निर्माणया निंतिं दत्तचित्त जुइ ।

देय्या मूल कानून संविधानं हे विभेदं ग्रस्त जनताया निंतिं न्ह्यब्वःगु राष्ट्रिय आदर्शयात लोक सेवा आयोगं छाय् उल्लंघन यात ? गुगु इशारां प्रेरित जुयाः थ्वं संविधानया विरोधय् वनेगु दुस्साहस क्यन ? थ्व गम्भिर न्ह्यसः जुइ ।

नेपालय् गणतन्त्रात्मक संविधानं विभेदग्रस्त जाति, क्षेत्र, समूह, समुदाययात राज्य व्यवस्थाय् न्यायोचित समावेशीता, समानुपातिक अवसरया निंतिं संवैधानिक व्यवस्था याइ । सलंसः दँ न्ह्यवंनिसें इमित किनाराकृत जाति, लि·, दलित वर्गतय्सं इतिहासयात हे थःगु याना वयाच्वंपिं विशेष सुविधाभोगी वर्ग, जातिलिसे प्रतिस्पर्धा याये फइमखु । थ्व ऐतिहासिक कटुसत्य जुयाबी ।

उकिं विभेदंग्रस्त उत्पीडित जाति, लि·, दलित वर्गतय् निंतिं समावेशीताया व्यवस्था अनिवार्य जुइ । आरक्षणया व्यवस्था यायेमाली । तर आरक्षण धइगु विशेष अधिकार मखु । थ्व ला इतिहासं कमजोर यानातःपिंत वासः खः । उपचार खः । क्षतिपूर्ति जुइ । तर । संविधानं बियातःगु समावेशीय, समानुपातिक व्यवस्थायात हे चुनौति बियाः लोक सेवा आयोगं थुगुसी परीक्षा काःगु खनेदु ।

देय्या कर्मचारीतन्त्रय् जुयाच्वंगु विशेष जाति, वर्गया हालिमुहालियात अन्त्य यानाः देशवासी सकलयात राज्य व्यवस्थाय् दुकायेगु हेतुं संविधानय् समावेशीता व समानुपातिकया व्यवस्था याःगु खः । तर देय्या मूल कानून संविधानं हे विभेदं ग्रस्त जनताया निंतिं न्ह्यब्वःगु राष्ट्रिय आदर्शयात लोक सेवा आयोगं छाय् उल्लंघन यात ?

गुगु इशारां प्रेरित जुयाः थ्वं संविधानया विरोधय् वनेगु दुस्साहस क्यन ? थ्व गम्भिर न्ह्यसः जुइ । भताभुंग देशय् लथालिंग चाला धाःथें थौं देय्या दक्व धइथें राज्यस्तरया संस्थात भताभुंग जुयाः वनाच्वंगु क्रमय लोक सेवां नं थःगु लथालिंग चाला क्यंगु खःला ? तर । थ्व न्ह्यसः लोक सेवाया लथालिंग चाला खँ जक मखु ।

स्वयं सरकार थौं थ्व संवैधानिक व्यवस्थाप्रति विरोधी व असहिष्णु खनेदु । दइ । सरकारया नेतृत्व हे थौं समावेशीता व समानुपातिक संवैधानिक व्यवस्थाप्रति आक्रामक खनेदइ । आदिवासी जनजाति, मिसा, दलित, उत्पीडित वर्गतय् पक्षय् जूगु न्यायोचित संवैधानिक व्यवस्था हे गलत खः धइगु पूर्वाग्रह थौं एकल नश्लवादीतसें प्रचार याना वयाच्वंगु दु ।

वर्गीय शोषण यानाः दाः खाका जुइपिं गुलिखे छट्टु गैर जनजातितय्सं ला वर्गीय विभेदया खँ मल्हासे जाति विभेदया खँ ल्ह्वनाः देय्यात जातिय विखण्डनय् फसे यायेत स्वइपिं धकाः जनजातितय्त आरोप बी । थ्व आरोप वर्गीय सिद्धान्तया नकाब पुनाः एकल नश्लवादीतसें याइगु कुप्रचार खः । थःगु बर्चस्व न्ह्याकेगु दाउ खः ।

देशय् थौैं कम्युनिष्ट सरकार दु । संविधानय् समाजवादया उल्लेख जुइ । थौं देशय् कम्युनिष्ट सकरारं वर्गीय संघर्ष, क्रान्ति न्ह्याकाच्वंगु दु ला ? देय् समाजवाद उन्मुख खःला ? थौं देशय् कम्युनिष्ट सरकारया बहुमत दु । देशय् वर्गीय क्रान्ति न्ह्याकेत मंगल मदु ।

नेताजुपिं ! खँ छिकपिनि सैद्धान्तिक इमान्दारिताया जुइ ! जनजाति, आन्दोलन, जातीय आन्दोलन मखु । न्याय व अधिकारया आन्दोलन खः । थःगु सिद्धान्त छ्यलादिसँ । जनतायात न्याय बियादिसँ । तर वर्गीय संघर्षया नामय् एकल नश्लवादया ख्वाःपालं पुयाः मखु ।

सम्बन्धित बुखँ

LEAVE YOUR COMMENTS