बुंगद्यःया रथया हितिमंगः तंगु खँ संसदय् थ्यन

येँ (नेपालभाषा टाइम्स)/ बुंगद्यःया रथया घःमालय् तयेगु हितिमंगः तंग विषयय् संसदय् प्रवेश जूगु दु । म्हीग संसदया आकस्मिक इलय् न्ववासें सांसद कृपा महर्जनं हितिमंगः तंगु खँ संसदयात जानकारी बिसें तंगु ऐतिहासिक ज्वलं मालेगु निंतिं तुरुन्त पहल यायेत इनाप यानादीगु खः ।

संसदय् न्ववानादिसें सांसद महर्जनं दँय्दसं बुंगद्यःया रथ जात्राया इलय् घःमालय् तयेमाःगु थ्यंमथ्यं ९० किलोया ढलौटय् लुं सियाः दयेकातःगु हितिमंगः तनं नं गुथि संस्थात व प्रहरीं थुकियात मालेगु स्वयां नं प्रक्रियाय् हे तक्यनाच्वंगु धासें याकनं माले त इनाप यानादीगु खः ।

रथ जात्राया इलय् हितिमंगः खने मदये वं सरोकारवालातय्सं गुथि संस्थात यल शाखायात हितिमंगः गन वन धकाः न्यंबलय् दयेकेत यंकातया धाःगु खः, तर जात्रा क्वचाये त्ययेकाः जक संस्थानं हितिमंगः तंगु धासें प्रहरीइ उजुरी बिउगु खः ।

सांसद महर्जनं यलया तःबहालय् बुंगः द्यःया फुक्क ज्वलं तइगु गुथि संस् थानया ज्याकुथिइ तयातःगु अवस् थाय् हे हितिमंगः तंगु व बुंगद्यःया सामान तयातइथाय् गुथि संस्थानया कर्मचारीया परिवार सहित च्वनीगु जूसां गुकथं तन धयागु न्ह्यसः तसें शंकास् पद मनूतय्त ज्वनाः याकनं कार वाही न्ह्याके माःगु खँ धयादीगु खः ।

हितिमंगः तंगु खँयात कयाः वंगु छुं न्हिं न्ह्यः जक यल नेवाः समाजया दुजःपिसं गुथि संस्थान, जिल्ला प्रशासन कार्यालय व जिल्ला प्रहरी कार्यालय ज्ञापन पौ बिउगु खः ।