
येँ – सत्तारुढ नेपाल कम्युनिष्ट पार्टी (नेकपा) सम्वद्ध ट्रेड युनियन महासंघया सलंसः टे«ड युनियनकर्मि समाजवादी पार्टी सम्वद्ध ट्रेड युनियनय् दुहां वःगु दु । नेकपा सम्वद्ध ट्रेड युनियनया महासंघया केन्द्रीय दुजः दीपक कटुवालया नेतृत्वय् समाजवादी सम्वद्ध ट्रेड युनियनय् दुहां वःगु खः ।
सामाजवादी लोकतान्त्रिक ट्रेड युनियनया उपाध्यक्ष नापं प्रदेश नं. ३ या इन्चार्ज गणेश पुडासैनीया सभापतित्वय् जूगु ज्याझ्वलय् मूपाहां समाजवादी पार्टी अध्यक्ष नापं नेपाल सरकारया उपप्रधानलिसें स्वास्थ्य तथा जनसंख्या मन्त्री उपेन्द्र यादवं युनियनय् प्रवेश याकादीगु खः ।
ज्याझ्वलय् नवासें उपप्रधानमन्त्री यादवं कांग्रेस, नेकपा, राप्रपा लगायत पुलांगु पार्टीतय्सं श्रमिकतय् समस्यायात सत्ता प्राप्तिया स्वाहाने जक दयेकूगु द्वपं बियादिसें समाजवादी पार्टी पूमवनाच्वंगु श्रमिकतय् दक्वं समस्या पूवंकेगु जुइ धयादिल ।वरिष्ठ उपाध्यक्ष अर्जुन लम्सालं लसकुस यानादीगु ज्याझ्वलय् विशिष्ट पाहांलिसें पार्टी सहअध्यक्ष राजेन्द्रप्रसाद श्रेष्ठ व नेकपा सम्वद्ध ट्रेड युनियनया केन्द्रीय दुजः कटुवालं नं नुगःखँ तयादीगु खः ।
LEAVE YOUR COMMENTS