कर्माचार्यपाखें १५९ क्वः हिदान

येँ –  नेपाल स्वयंसेवी रक्तदाता समाज तनहुँ, समाधान अस्पताल व जागौं युवा नेपालया मंकाः हिदान ज्याझ्वः जुल । उगु हिदान ज्याझ्वलय् नेपालय् दकलय् अप्वः हिदान यानादीम्ह प्रेमसागर कर्माचार्यं १५९ क्वःगु हिदान यानादीगु खः । कर्माचार्यं स्वनिगः पिने म्याग्दी, दोल्खा, दाङ, कैलाली, कास्की, रुपन्देही, कपिलवस्तु लगायतया जिल्लाय् तकं वनाः हिदान यानादीधुंकूगु दु ।

सर्वसाधारणप्रति हिदान यायेमाः धइगु सन्देश प्रवाह यायेगु ल्याखं वय्कलं उकथं पिने जिल्लाय् तकं वनाः हिदान याना वयाच्वनादीगु खः ।
उगु हे ज्याझ्वलय् लमजुङ बेशीसहरया सुरेश वज्राचार्यं नं ३२ क्वःखुसी हिदान यानादीगु खः । ज्याझ्वलय् नवासें सांसद कलिला खानं हिदान मानव जीवनया महादान जूगुलिं हिदान ज्याझ्वलय् सहभागि जुइगु च्वछायेबहगु ज्या जूगु विचाः प्वंकादीगु खः ।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत