थ्व गज्याःगु ल्वय् ?

थ्व संसारय् अनेकथंया मनूत दु । अजू चायापुगु क्षमता दइगु जक मखसे विचाः हे मयाःकथंया समस्या दुपिं नं दु । मनूतय्के अजू चायापुगु क्षमता ला दइगु हे जुल । उकिया नापनापं गुलिखे मनूतय्ेक जन्मजात हे छुं न छुं कथंया समस्या नं दयाच्वनी । गुकियात गुगुं कथंया उपचारं नं समाधान याये फइमखु ।

गुलिसितं धाःसा छुं छगू सामान्य घटनां लिपा थ्यंकं लिच्वः लाइकथंया समस्या जुया बी । छम्ह मिसायाके नं अज्याःगु समस्या दु । गुगु कि आतक सुयाकें मदु । उकथंया समस्या दुम्ह मिसा शायद थ्व संसारय् व हे छम्ह जक जुइमाः । चीनया जियामेन सहरया चेन नांया मिसां मिजंतय्गु सः न्यने मफु ।

वयागु न्हाय्पनं मिसातय्गु सः गुलि स्पष्ट जुइक न्यनेफु, मिजंतय्गु सः छफुति नं न्यने मफु । चेन थौंकन्हय् थज्याःगु हे ल्वय्लिसे संघर्ष यानाच्वंगु दु । चेनं न्यने फुसा मात्र मिसातय् सः जक । चेनयात थुकथंया ल्वय् न्हापांनिसें दुगु धाःसा मखु, न्हापा सामान्य हे जुयाच्वंम्ह चेनयात छन्हु द्यनाच्वंबलय् चान्हसिया इलय् वयागु न्हाय्पनय् घन्टी न्याःथें जुल ।

वयां छुं ई लिपा वयात बान्ता नं जुल । बस् वयां लिपा चेनं न्हापय्नं ताइगु हे बन्द जुल । चेनया उपचारय् संलग्न चिकित्सकतय्कथं वयागु न्हाय्पनं तसकं न्यून ‘फ्रिक्वेन्सी’या सः न्यने फइमखु । चेनयात जूगु समस्यायात चिकित्कीय भासं reverse-slope hearing loss धाइगु खः ।

चेनं थः मतिनामिया सः न्यनेगु त्वःता हयेवं व थःत जूगु समस्या ज्वनाः न्हाय्, न्हाय्पं व गःपःया विशेषज्ञ डा. लिन जिया किङयाथाय् वंगु खः ।चिकित्सक किङं मिजंतय् सः तसकं म्हो फ्रिक्वेन्सीया जूगुलिं चेनं न्यने मफइगु व मिसातय् सः उच्च फ्रिक्वेन्सीया जुइगुलिं इमिगु सः जक न्यने फइ धाःगु दु ।

सम्बन्धित बुखँ

LEAVE YOUR COMMENTS