मजाक याये गात !

प्रधानमन्त्रीजुं धाइ देय् आः प्रदूषणं मुक्त । न्हासय् मास्क तये माःगु जरुरत मदु । सुनानं मास्क तया जूसा वया उद्देश्य सरकारयात बदनाम यायेगु जुइ । मास्क तया जुइपिं सरकारया विरोधी खः । थौं देय्या वातावरण पूर्ण स्वच्छ । मास्कया औचित्य मदयेधुंकल । प्रधानमन्त्रीजुं आधिकारिक रुपय् दावा याइ । धुक्क जुइ ।

मास्क घाना जुइपिं सरकारया बैरी । विरोधी खः । शंका याइ । चुनौति बी । सरकार विरोधी, विपक्षी सु खः ? म्हसीकेगु प्रभावकारी राजनैतिक चिं खः मास्क । प्रधानमन्त्रीजुं मास्क घाना जुइपिंत राजनीतिया अखडाय् साला हइ । ‘का ….. वा …..’ चुनौति बी । ‘देय् प्रदूषणं मुक्त जुइधुंकल । मास्क तया जुइ म्वाःल ।’ प्रधानमन्त्रीजुया न्वचु जिं टि.भी.इ न्यनागु खः ।

प्रधानमन्त्रीं थथे धाइ । अन लापा थाना हइ । न्हिला पिज्वइ । विचाः यानाः थ्व कर्तल ध्वनि, न्हिला प्रधानमन्त्रीया धापूया समर्थनय् जुइ । प्रधानमन्त्रीजुया भाषणय् अक्सर न्हिलाया फोहरा ताये दइ । तालिं गुञ्जायमान जुयाच्वनी । हास्य कार्यक्रम सम्पन्न जुयाच्वं थें । खः । न्हिलेगु, न्हिइकेगु धइगु बांलाःगु ज्या खः ।

महापुरुषतय्सं दुःखकष्टं मुक्त यानाः मानव मात्रयात न्हिलाः म्वायेगु शक्ति थनेत स्वइ । देय्या आर्दशवान नेतां नं जनतायात सुख बियाः प्रसन्न यायेत स्वइ । तर जःखः च्वंपिं निम्ह प्यम्ह मनूतय्त न्हिइकां जक मगाः । छम्ह सही नेतां खला देय्यात हे लय् तायेकेमाः । न्हिइकेमाः । न्हिइके धयां जक मजिउ ।

सिनेमाय् जोकरतय्सं न्ह्यानातःगु कट्टु खुरुक्क कुर्काः नं न्हिइकू । तर । व न्हिइका क्षणिक मनोरञ्जनया निंतिं जक जुइ । जनतां राजनेतापाखें अपेक्षा याःगु न्हिला, हाँसो अज्याःगु जुइमखु । थःगु आधारभूत आवश्यकता सहजकथं प्राप्त यानाः म्वाये दइगु म्वाये फइगु प्रसन्नता । जनतां राजनेतापाखें आशा याइ ।

जःखः च्वंपिं निम्ह प्यम्ह मनूतय्त न्हिइकां जक मगाः । छम्ह सही नेतां खला देय्यात हे लय् तायेकेमाः । न्हिइकेमाः । न्हिइके धयां जक मजिउ । सिनेमाय् जोकरतय्सं न्ह्यानातःगु कट्टु खुरुक्क
कुर्काः नं न्हिइकू ।

मचाम्ह छय् । स्वदँ हे मक्यंनि । उसाँय् मदइ । डाक्टरयाथाय् यंकी । छाति ठीक हे जू । तर श्वास प्रश्वासया समस्यां थी फु । थ्व प्रदूषणया कारणं खः । प्रदूषणं बचे यानादिसँ । पिने यंकेबलय् मास्क तयेकेमाः । अनिवार्य । डाक्टरया सल्लाह जुइ । डाक्टरं वासः बी मखु । मास्क तयेकि धाइ । डाक्टरया सल्लाह न्यने । थारा न्हुइ ।

मास्क तइपिं सरकारया विरोधी । प्रमज्यूया आरोप लुमनी । मचायात पिने यंकेबलय् मास्क तयेका यंके । मचायात प्रधानमन्त्रीजुं सरकारया विरोधी खंकीगु खः ला ? कांगेसी तायेकीगु खः ला ? राजावादी धाइगु खः ला ? सरकार विरोधी देशी विदेशी षडयन्त्रया एजेन्ट धाइगु खःला ? थौं स्वास्थ्यकर्मीतय्सं छप्वाः म्हुतुं धइथें प्रदूषणं बचे जुयादिसँ धाइ ।

मास्क तयेगु सुझाव बी । आः थ्व स्वास्थ्यकर्मीत नं सरकार विरोधी । गनं संचालित तत्व खःला ? प्रधानमन्त्री जुया मास्कप्रतिया प्रहारं चिचित्सकत प्रदूषणया विषयय् सल्लाह बीत होसियार जुइमाःगु दु । ‘होसियार !’अनुमान याये । देशय् सरकारं शान्ति सुरक्षा नं मजबूत जूगु दावा याइ । अपराधीत नियन्त्रणय् वःगु दु । विश्वास थनी ।

यौनजनित अपराध नं निर्मूल जुइ । सरकारं हल्ला याइ । आः देय् अपराध मुक्त देय् जुइ । देशय् यौन प्रदूषण निर्मूल जुइ । अले ला छु ? कट्टु, पाइन्ट सुनानं मन्ह्याःसां नग्नता सुरक्षित जुइ । खतरामुक्त जुइ । देय् थौं प्रदूषणमुक्त जू थें अले विश्वय् नेपाः यौन अपराधमुक्त नमूना देय् जुइ । अज्याःगु अपराध शुन्य स्थितिइ सुनानं वसः पुना जुइ मालीमखु ।

बरु वसः पुनेगु सरकार विरोधी ज्या जुइ । वस्त्रविहीन जनतां देय् यौनिक प्रदूषणं पूर्ण मुक्त जूगु सन्देश विश्वयात बी । अले सरकार प्रमुखं धाइ देशय् आः नग्नता सुरक्षित जुइ । सुनानं वसः पुना जुइमाली मखु । वसः पुनीपिं सरकारया घोर विपक्षी जुइ । सरकार क्वथलीपिं षडयन्त्रकारी जुइ । तर दुःखया खँ । थज्याःगु हे हाँसखेलं थौं देशय् सरकार न्ह्याः वनाच्वंगु दु ।

एकमुष्ट आसेपासेतय् कर्तल ध्वनि व हाँसोया लिधंसाय् नेतातय्सं थःगु सफलताया भ्रम खंकी । गर्वबोध याइ । देय् थौं न्हियान्हिथं फिया छेँ थें दुना वनाच्वंगु दु । देय्या मेरुदण्ड जुयाच्वंगु फुक्क संस्थात खण्डहरया स्थितिइ । अख्तियार, प्रहरी, विश्वविद्यालय, अदालत, स्वास्थ्य, कर्मचारीतन्त्र थज्याःगु देय्या थांत थौं गल्र्यामगुर्लुम जुइ ।

विकराल स्थिति । देय् धाथें थौं सुनां चले यानाच्वन ? गनं ? गुगु उद्देश्यं ? प्रमज्यू ! आलोचना याइपिं फुक्क विरोधी खंकादीमते । देय्या चिन्ता सकसिकें दइ । जिमिके नं दइ । देय्प्रतिया जिमि माया सुं प्रतिया विरोध मखु । क्षणिक मजाकं आसेपासेत न्हिली । तर देय् डुबे जुइ । जनतां दुःख सी । मजाक याये गात ।

सम्बन्धित बुखँ

LEAVE YOUR COMMENTS