शोएब मलिकपाखें संन्यास

पाकिस्तानया अलराउण्डर शोएब मलिकं एकदिवसीय अन्तर्राष्ट्रिय क्रिकेटं संन्यास काःगु दु । शुक्रवाः पाकिस्तानं बंगलादेशयात ९४ रनं विजय चूलाकेधुंकाः मलिकं संन्यासया घोषणा याःगु खः । थ्व कासाय् मलिकं मम्हितकू, तर कासा क्वचायेधुंकाः मलिक मैदानय् वयेवं पाकिस्तान टिमया सकलें कासामित निझ्वः जुयाः झ्वःलाक दनाः वयात गार्ड अफ अनर बिउगु खः ।

थःगु नीदँया एकदिवसीय क्रिकेट यात्रायात दिकेगु झ्वलय् मलिकं धाःगु दु, ‘जिं न्हापा हे धाये धुनागु खः कि विश्वकप लिपा जिं एकदिवसीय क्रिकेटपाखें संन्यास कायेगु जुइ । थौं जिं थन थुकिया घोषणा यानाच्वना । जिगु समर्थकतय्त यक्व यक्व सुभाय्, गुपिंसं जितः समर्थन याःगु दु उमित यक्व यक्व माया ।’

शोएब मलिकं १९९९ या अक्टोवरय् वेस्ट इन्डिज विरुद्धया कासा पाखें एकदिवसीय अन्तर्राष्ट्रिय क्रिकेटय् डेब्यु याःगु खः । व पाकिस्तानया निंतिं कुल २८७ गू एकदिवसीय कासा म्हितूगु दुसा गुंगू शतक व ४४ गू अर्धसतक सहित ७५३४ रन दयेकूगु दु । थ्व झ्वलय् वं १५८ गू विकेट नं काःगु दु ।

 

सम्बन्धित बुखँ

LEAVE YOUR COMMENTS