नेपाली क्लबत एएफसीया कासा म्हितेत अयोग्य

येँ (नेपालभाषा टाइम्स) – नेपाःया ए डिभिजन लिग म्हितीगु फुक्कं क्लब एएफसी (एशियाली फुटबल महासंघ) प्रतियोगिता म्हितेत अयोग्य जूगु दु। एएफसी क्लब प्रतियोगिताया निंतिं माःगु न्यूनतम मापदण्ड तकं पूवंके मफुगुलिं नेपाःया क्लबत अयोग्य जूगु खँ अखिल नेपाल फुटबल
संघं धाःगु दु ।

एन्फां नेपाली क्लबतयत् लाइसेन्स बीगु निंतिं एएफसीयात इनाप याःगु खःसा एएफसीं मापदण्ड मगाःगु धासें नेपाली क्लबतय्त लाइन्सेन्स बीत अस्वीकार याःगु खः । एएफसीया लाइसेन्स कायेगु निंतिं ए डिभिजन लिगया झिंस्वंगुलिं क्लबतय्सं निवेदन बिउगु खः । एएफसीया प्रतियोगिता म्हितेगु निंतिं एएफसी क्लब लाइन्सन अनिवार्य माः ।

एएफसीं नेपाली सेनाया त्रिभुवन आर्मी क्लब बारे सकारात्मक प्रतिक्रिया बिउगुलिं एन्फां आर्मी क्लबया निंतिं हाकनं एएफसीयात इनाप यायेगु खँ धाःगु दु ।

सम्बन्धित बुखँ

LEAVE YOUR COMMENTS