अर्जेन्टिना नकअाउट चरणय्
येँ- नकतिनि क्वचाःगु कासाय् नाइजेरियायात २-१ गाेलं बुकुसें अर्जेन्टिना अन्तिम झिंखुगूगुलि दुहां वनेत ताःलाःगु दु । कासा क्वचायेत ४ मिनेट ल्यंदनिबलय् मार्काेस राेजां याःगु गाेलया ग्वाहालिं अर्जेन्टिना नकअाउट चरणय् दुहांवनेत ताःलाःगु खः । कासा सुरु जूगु १४अाैं मिनेटय् लियाेनल मेस्सि बांलाःगु गाेल यासें अर्जेन्टिनायात अग्रता बिउगु खः ।
न्हापांगु हाफ तक छगू गाेलं अग्रता काःगु खःसां लिपांगु हाफ सुरु जूगु ५ मिनेट लिपा हे पेनाल्टी पाखें नाइजेरियां गाेल यासें कासा बराबरी याःगु खः । डिफेन्डर मासेरानाे म्वायेकम्वायेकं डिबक्सय् विपक्षी कासामियात क्वदयेकेवं नाइजेरियायात पेनाल्टी वःगु खः ।
थाैं कासा सुरु जुइवं बांलाःगु कासा न्ह्यब्वःगु अर्जेन्टिनां लिपांगु हाफय् बांलाक म्हितेमफुगु खः । मेस्सीं याःगु गाेल थुगु विश्वकपया सछिगूगु गाेल खः ।
अर्जेन्टिना नकअाउट चरण दुहांवने खंकेगुली मेगु कासाय् अाइसल्यान्डया पराजय नं महत्वपूर्ण जुल । अाइसल्याण्ड क्राेसिया पाखें २-१ गाेलं बूगु खः । यदि थ्व कासाय अाइसल्याण्ड ताःगु जूसा अर्जेन्टिना यात मेगु चरणय् वनेत थाकूइगु खः ।
अर्जेन्टिनांं अाः समूह सि या विजेता फ्रान्स लिसे म्हितिसा क्राेसियां डेनमार्क लिसे म्हिती ।
ढ
LEAVE YOUR COMMENTS