
येँ – प्रहरी प्रधान ज्याकूया ग्वसालय् नेपाल प्रहरी व सरकारी वकिलया निक्वःगु प्रादेशिक सम्मेलन वंगु शुक्रवाःनिसें शुरु जुल । निन्हुयंकंया उगु सम्मेलन प्रहरी प्रधान ज्याकूया ग्वसालय् महान्यायाधिवक्ता ज्याकूया सहकार्यय् जूगु खः ।अनुसन्धानकर्ता प्रहरी वव अभियोजनकर्ता वकिलया उगु सम्मेलन प्रदेश नं ३, गण्डकी प्रदेश व प्रदेश नं. ५ या प्रहरी व सरकारी वकिलया निक्वःगु सम्मेलन जूगु खः ।
सम्मेलनय् महान्यायाधिवक्ता अग्निप्रसाद खरेलं थगुनेया तुलनाय् थुगु दँय् अपराध अनुसन्धानय् सरकारं तःधंगु उपलब्धि हासिल याःगु दु धयादिल । वय्कलं सरकारी मुद्दाय् ७२.२८ प्रतिशत सफलता प्राप्त जूगु धासें थ्व आतकया हे उच्च सफलता नं खः धयादिल ।
प्रहरी महानिरीक्षक सर्वेन्द्र खनालं फौजदारी आचारसंहितायात कायान्वयनय् हये फुगु हे नेपाल प्रहरीया दकलय् तःधंगु सफलता खः धासें प्रहरीया अपराध अनुसन्धानयात थप व्यवस्थित व प्रभावकारी यायेत केन्द्रीय साइबर, मानव बेचविखन, अनसन्धान ब्यूरोलिसें डाटा सेन्टर स्थापना यानागु जानकारी बियादिल ।
LEAVE YOUR COMMENTS