कमाइलय् मेसी दकलय् च्वय्

अर्जेन्टिनी फुटबल कासामि लियोनल मेसीं कमाइया मामिलाय् पोर्चुगिज कासामि क्रिस्टियानो रोनाल्डोयात लिउने लाकूगु दु । फोक्र्सं पिकाःगु धलखय् मेसीं संसारय् दकलय् अप्वः कमे याइम्ह कासामि जूगु दु । फोब्र्सया कथं मेसीं सन् २०१८ य् १२ करोड ७० लाख अमेरिकी डलर (१४ अर्ब १२ करोड तका) कमे याःगु दु ।

रोनाल्डों १० करोड ९ लाख अमेरिकी डलर कमे याःगु दुसा स्वंगूगु थासय् लाःम्ह ब्राजिलया नेयमारं १० करोड ५ लाख अमेरिकी डलर कमे याःगु दु ।फोब्र्सं सन् २०१८ य् दछियंकंया तलब, त्याकूगु पुरस्कार रकम व मेमेगु व्यावसायिक आम्दानी जोडे यानाःगु थ्व धलः पिकाःगु खः । सन् १९९० निसें धलः पिकाये सुरु यासां निसें शीर्ष स्वंगू थासय् फुटबल कासामित लाःगु थ्व हे न्हापांखुसी खः ।

दकलय् अप्वः कमे याःपिं सछिम्ह कासामिपिनि धलखय् धाःसा दकलय् अप्वः अमेरिकायापिं ६२ म्ह कासामि दुथ्याःगु दु । थुकी दकलय् अप्वः बास्केटबल कासामि ३५ म्ह, अमेरिकी फुटबलया १९ म्ह व बेसबलया १३म्ह व फुटबलया झिंनिम्ह, बक्सिङ्ग, गल्फ व टेनिसया न्याम्ह न्याम्ह कासामि लाःगु दु ।थ्व धलखय् छम्ह जक मिसाम्ह कासामि सेरेना विलियम्स ६३ औं थासय् दु । वयागु कमाइ थगुने निगू करोड ९२ लाख थ्यन ।