ने. सं. ११४६ तछलाथ्व एकादशी - निर्जला एकादशि

अमेरिकां लित बिल खुया यंकूगु निगू मूर्ति

येँ (नेपालभाषा टाइम्स) – नेलं खुया यंकाः अमेरिका थ्यंगु निगू मूर्ति नेपाःयात लित बिउगु दु । नेपालं खुया यंकाः अमेरिका थ्यंगु पद्मपाणी व नृत्यदेवी बहुमूल्य निगू मूर्ति नेपाःयात लित बिउगु खः ।

अमेरिकाया न्यूयोर्कस्थित नेपाली महावाणिज्य दूतावासय् छगू विशेष ज्याझ्वःया दथुइ निगुलिं मूर्ति नेपाःयात लःल्हाःगु खः । न्यूयोर्कया सरकारी वकिलया ज्याकुथिं निगुलिं मूर्तिया स्वामित्व औपचारि क रुपं नेपाल सरकार यात लःल्हाःगु खः ।

नेपाःयात लःल्हाःगु मूर्तिमध्ये पद्मपाणी लोकेश्वरया मूर्ति येँया थँबहिलिं खुया यंकूगु खः । झिंस्वंगूगु शताब्दीया कँय्या मूर्ति विक्रमशील महाविहार थँबही, भगवान बहालं सन् १९७१ व १९७७ या दथुइ अवैध रुपं अमेरिका थ्यंकूगु खः । भगवान बहाःया छगू अनुपम कलाकृतिकथं कयातःगु मूर्तिया किपा दकलय् लिपा १९७१ य् काःगु अभिलेखय् न्ह्यथनातःगु दु ।

थुकथं हे नृत्यदेवीया मूर्ति यलया इबहाःबहिलिं खुया यंकूगु खः । सन् १९६९ व १९८३या दथुइ गुगुं इलय् खुया यंकूगु जुइमाः धइगु अनुमान यानातःगु उगु मूर्ति न्यूयोर्कया महानगर संग्रहालयं बरामद याःगु खः । झिंखुगूगु शताब्दीया मूर्ति सिँयागु जूगु व काष्ठकलाया छगू उत्कृष्ट नमूना खः ।

न्यूयोर्कस्थित नेपाली महावाणिज्यदूत दधिराम भण्डारी व म्यानहटन सरकारी वकिलया ज्याकू अन्तर्गतया पुरातात्विक वस्तु तस्करी नियन्त्रण एकाइया प्रमुख कर्नेल म्याथ्यु बोग्डानोसं मूर्ति हस्तान्तरण पती ल्हाःचिं तयादीगु खः । थुलिं निगुलिं मूर्ति न्यूयोर्कया सरकारी वकिलया ज्याकुथिं अमेरिकी गृह सुरक्षा अनुसन्धान निकाय व मेमेगु साझेदार संस्थाया सहकार्यय् मालाः नेपाःयात लःल्हाःगु खः ।

नेपाली महावाणिज्य दूतावास व नेवाः गुथि न्यूयोर्कया समन्वयय् नेपाःयात लःल्हाःगु निगुलिं सम्पदा थौं जुन २५ कुन्हु नेपाः छ्वया हइगु जूगु दु । उगु मूर्तिलिसें गुथिया प्रतिनिधिपिं नं नापं नेपाः वइगु जूगु दु । येँय् थ्यने धुंकाः उगु सम्पदा पुरातत्व विभागलिसें सम्बन्धित सरकारी निकाययात लःल्हाइ ।

उगु इलय् महावाणिज्यदूत भण्डारीं सकसिगुं मंकाः कुतलं थुपिं अमूल्य सांस्कृतिक सम्पदा मालेत सम्भव जूगु, नेपाःयात स्वामित्व बीगु व नेपाः लित छ्वयेत सम्भव जूगु धासें ने पाः व नेपाःमि जनतायापाखें अमेरिकी सरकार, न्यूयोर्कया सरकारी वकिलया ज्याकू, गृह सुरक्षा अनुसन्धान निकाय, अनुसन्धानकर्ता, संग्रहालय, सम्पदा संर क्षण अभियन्ता व समुदाययात आभार प्वंकादीगु खः ।

मूर्ति लःल्हाये गु ज्याझ्वलय् न्यूयो र्कया सर कार ी वकिलया ज्याकू, गृह सुर क्षा अनुसन्धान निकाय, ने वाः गुथि न्यूयो र्क, मे ट्रो पो लिटन म्युजियम, प्राध्यापक सम्पदा संर क्षणकर्मि, संचार कर्मितय् उपस् िथति दुगु खः ।

नेपालं खुया यंकाः अमेरिका थ्यंगु थुकथंया बहुमूल्य सम्पदा नेपाः लित हयेगु ज्याय् नेवाः गुथि न्यूयोर्कं तःधंगु भूमिका म्हिता वयाच्वंगु दु । छुं दिं न्ह्यः जक नं द्वाल्खाया निगू भैलः द्यः (हाथ्वँ द्यः) नेपाः लित हयाः साविकया थासय् पुनःस्थापन यायेगु ज्या जूगु खः ।