जोकोविचयात म्याड्रिड ओपन उपाधि

विश्व नं. १ टेनिस कासामि नोभाक जोकोविचं स्वक्वःगुखुसी म्याड्रिड ओपन उपाधि त्याकूगु दु । सर्बियाया जोकोभिचं फाइनलय् कमजोर खनेदयाच्वंम्ह गुंगूगु वरियताया ग्रिक कासामि स्टेफानोस टित्सिपासयात बुकाः उपाधि ल्ह्वंगु खः ।

जोकोविचं स्टेफानोसयात १ घण्टा ३२ मिनेटया कासाय् ६—३, ६—४ या सेटं बुकूगु खः । जोकोविचं त्याकूगु थ्व ३३ औं मास्टर्स उपाधि खः।
३१ दँया जोकोविच सेमिफाइनलय् डोमिनिक थिमयात व स्टेफानोस टित्सिपासं राफेल नाडालयात बुकाः फाइनलय् प्रवेश याःगु खः ।