बेलायतं हङकङय् च्वनाच्वंपिं पुलांपिं बेलायतीयात भिसा बीगु

एजेन्सी – बेलायत सरकारं हङकङय् च्वनाच्वंपिं लखौं पुलांपिं बेलायती नागरिकतय्त भिसा बीगु घोषणा याःगु दु। हङकङ त्वता वये न्ह्याःपिनिगु निंतिं थ्व बेलायती सरकारं थ्व ह्वःताः चूलाकाबीवं हङकङ बेलायती उपनिवेश जुयाच्वंगु इलय् बेलायती नागरिकया मान्यता कयातःपिं हङकङ निवासी यक्वसिनं आवेदन बियाच्वंगु दु ।

बेलायत सरकारं आइतवाः निसें बेलायती नागरिक (विदेश) या पासपोर्ट दुपिं व्यक्तिव व उपिंपाखे आश्रिततय् निंतिं भिसाया अनलाइन आवेदन चायेकूगु खः । भिसा कयाः बेलायतय् च्वनेधुंकाः न्यादँ लिपा उमिसं स्थायी नागरिकताया निंतिं आवेदन बीफइगु खँ बेलायती सरकारं घोषणा याःगु दु ।

चीन सरकारं हङकङय् राष्ट्रिय सुरक्षा कानुन लागू यायेवं यक्व मनूत हङकङ त्वःताः वने चाहे जुइवं बेलायतं थः पुलांपिं नागरिकतय्निं तिं थ्व ह्वःताः चूलाकाबिउगु खः । बेलायत थ्व पलाखं चीन धाःसा आक्रोसित जूगु दु। बेलायतं सन् १९९७ य् चीनयात हङकङ हस्तान्तरण याःबलय् मेगु ५० दँ तक हङकङया स्वायत्तता कायम यानातयेत चीन प्रतिबद्ध जूगु खः ।