ट्रम्प–पुटिन टेलिफोन वार्ता

एजेन्सी – अमेरिकी राष्ट्रपति डोनाल्ड ट्रम्प व रुसी राष्ट्रपति भ्लादिमिर पुटिन दथुइ टेलिफोन वार्ता जूगु दु । निम्ह समकक्षीया दथुइ झण्डै घौछित्याः टेलिफोन वार्ता जूगु खः । वार्ताया झ्वलय् ट्रम्पं युक्रेन युद्धया समाधनया निंतिं ग्वाहालि यायेत तयार दुगु धाःगु दु ।

मेगु वालय् टर्कीइ जुइगु नेटो शिखर सम्मेलनया सन्दर्भय् राष्ट्रपति ट्रम्पं फक्व याकनं युद्ध अन्त्य यायेगु उद्देश्यं सहजीकरण यायेत इच्छुक जूगु खँ धाःगु दु । वार्ताय् रुसी राष्ट्रपति पुटिनं युद्धया राजनीतिक व कूटनीतिक समाधान व रुसया आधारभूत अडानयात सम्मान जुइगु सहमतिमूलक उपाय माले माःगु आवश्यक दुगु धारणा तःगु खः।

थुखे युक्रेनया राष्ट्रपपति भोलोदिमिर जेलेन्स्कीं नं अमेरिकी राष्ट्रपटि ट्रम्पलिसे टेलिफोनय् खँल्हाबल्हा याःगु दु । जेलेन्स्कीं ट्रम्पलिसेया वार्ता सकारात्मक जूगु धासें युद्ध अन्त्यया निंतिं अमेरिकी नेतृत्वया भूमिका निर्णायक जुइगु विश्वास प्वंकूगु दु । निम्हं शीर्ष नेतां टर्कीइ जुइगु नेटो शिखर सम्मेलनया झ्वलय् थप सहलह यायेगु ल्याखं सहमति याःगु नं जेलेन्स्कीं धाःगु दु ।