थिमिया दक्वं विद्यालयय् स्थानीय पाठ््यक्रम
थिमि – मध्यपुर थिमि नगरपालिकां थःगु मातहतय् लाःगु मध्यपुर थिमि नगरया दक्वं सामुदायिक व निजी विद्यालयय् स्थानीय पाठ््यक्रम लागू याःगु दु । नगरपालिकां वंगु जेठ २५ गते सिथि नखःया न्हिकुन्हुनिसें नगर दुनेया दक्वं विद्यालयय् स्थानीय पाठ््यक्रम लागू याःगु खः ।
नगरप्रमुख मदनसुन्दर श्रेष्ठं बियादीगु जानकारीकथं ‘मध्यपुर थिमिया म्हसीका’ नांया स्थानीय पाठ््यक्रम लागू याःगु खः । नगरपालिकां नगर क्षत्रे दुनेया १८ गू सामुदायिक व ५२ गू निजी (संस्थागत) विद्यालय यानाः मुक्कं७० गू विद्यालयय् स्थानीय पाठ््यक्रम तयार यानाः लागू यानागु नगरप्रमुख श्रेष्ठं जानकारी बियादिल ।
नगरपालिकां नेवाःतय् सांस्कृतिक महत्वं जाःगु सिथि नखःया न्हिकुन्हु लाकाः स्थानीय पाठ््यक्रम लागू याःगु खः । सिथि नखःकुन्हु नगर क्षेत्र दुनेया दक्वं विद्यालय थःथःगु विद्यालय लिक्क लाःगु थासय् च्वंगु लःया मुहान, तुं, ल्वहंहिति, बुंगाः, सार्वजनिक हिति आदि सुचुकुचु यानाः व्यवहारिक रुपं हे स्थानीय पाठ््यक्रम लागू याःगु खः ।
मध्यपुर थिमि नगरपालिकां नगर क्षेत्र दुनेया विद्यालयय् स्थानीय पाठ््यक्रम लागू यायेत ‘स्थानीय पाठ््यक्रम निर्माण समिति’ गठन याःगु खः । नगरपालिकां वरिष्ठ शिक्षाविद् लिसें प्रा. रामकृष्ण दुवालया संयोजकत्वय् बालप्रेमी स्कुलया प्रधानाध्यापक चरणकेशरी श्रेष्ठ व अमिनिटी स्कुलया प्रिन्सिपल सूर्यबहादुर भण्डारी दुजःकथं दुथ्याःगु पाठ््यक्रम निर्माण समिति गठन याःगु खः ।
समितिं स्थानीय पाठ््यक्रम लागू यायेत थीथी चरणय् नगर दुनेया शिक्षाविद्, शिक्षालिसे सरोकार दुपिं, विद्यालयया प्रधानाध्यापक व सम्बन्धित विषयया शिक्षकलिसे सहलह ब्याकूगु खः ।थुकियालिसें देय्या ७५३ थू स्थानीय तह मध्ये थःगु हे स्थानीय पाठ््यक्रम लागू याःगु मध्यपुर थिमि नगरपालिका निगूगु स्थानीय तह जूगु दु ।
LEAVE YOUR COMMENTS