मुनिबिहारय् हनाज्याझ्वः

ख्वप – ख्वपया मुनि बिहारयात ग्वाहालि यानाच्वंपिं दाता व उगु बिहारया संस्थापकतय् लुमन्तिइ हनेज्या समारोह जुल । अखिल नेपाल भिक्षु महासंघया उपाध्यक्ष सुमेग महास्थविरया मू आतिथ्यय् दातापिंत हनेज्या याःगु खः ।

ज्याझ्वलय् जग्गा दाता व विहारया संस्थापकपिं छसिकथं नातिमैया शाक्य, दानपारमिता गुरुमां, स्वर्गाथीश्री बुद्धाचार्य, भीमराज बुद्धाचार्य, रत्नराज बज्राचार्य लगायत अबलय् ग्वाहालि यानादीपिं दातापिनि सन्ततिपिंत हना पौ लःल्हाःगु खः । अर्जुन भन्तेपाखें थाइल्याण्डया राजगुरुपाखें प्रदान याःगु उगु हना पौ प्रदान यानाबिज्याःगु खः ।

ज्याझ्वलय् भिक्षु सुमेगपाखें पञ्चशील प्रार्थना यानाबिज्याःगु खः । मुनि बिहार विक्रम संवत १७१३ सालय् मुनि बुद्धाचार्य तिब्बत वनाः भिक्षु जुयाः लिहां वये धुंकाः ख्वपय् हे छगू बिहार दयेका च्वने मन तयाः स्थापना याःगु खः । उगु बिहारयात थीथी इलय् थीथी कथं संरक्षण व विकास यानाः थौं नेपाःया छगू भिक्षु तालिम केन्द्र कथं स्थापित यानातःगु दु । मदुम्ह रत्नज्योति भन्तेपाखें उकिया पुनःनिर्माण जूगु खः ।

 

सम्बन्धित बुखँ

LEAVE YOUR COMMENTS