सामाजिक संस्थालिसे सहकार्य आवश्यक

येँ- येँ महानगरपालिकाया प्रमुख विद्यासुन्दर शाक्यं समृद्ध महानगर निर्माणया निंतिं स्थानीय सामाजिक संस्थालिसे सहकार्य याना वनेमाःगु आवश्यक दुगु खँ धयादीगु दु । उकिया निंतिं येँ मनपां सामाजिक संस्थालिसे सहकार्य याना वनेगु नं धयादिल ।

सुन्दर महानगर, समृद्ध महानगर निर्माणया निंतिं सामाजिक संस्थालिसे सहकार्य यानाः न्ह्याः वनेगु जुइ धासें येँ मनपा प्रमुख शाक्यं बांलाःगु ज्या याइगु सामाजिक संस्थालिसे येँ मनपा सहकार्य यानाः न्ह्याः वनेगु जुइ धयादिल ।
थापाथली जनकल्याण परिष्दया स्वीक्वःगु वार्षिकोत्सव व सिरपाः लःल्हायेगु ज्याझ्वलय् नवासें प्रमख शाक्यं ज्येष्ठ नागरिकया स्वास्थ्यया निंतिं छेँय् छेँय् चिकित्सक छ्वयाः उपचार सेवा बीगु ज्या शुरु यानागु धासें आः मनपाया शेयर लगानी जुयाच्वंगु साझा यातायातय्नं निःशुल्क यात्रा यायेगु वातावरण दयेकेगु ज्याय् लगे जुयाच्वनागु दु धयादिल ।
समृद्ध महानगरया निंतिं महानगरपालिकां कःसिइ खेती, मिसातय्त लक्षित यानाः सीपमूलक ज्याझ्वः प्रदान यानाच्वनागु नं वय्कलं धयादिल ।

परिषद्या अध्यक्ष भीमबहादुर अधिकारीया सभापतित्वय् जूगु ज्याझ्वलय् प्रमुख शाक्यं थीथी व्यक्तिपिंत सिरपाः नं लःल्हानादीगु खः ।

सम्बन्धित बुखँ

LEAVE YOUR COMMENTS