येँ महानगरय् हाकनं खोप सुरु

येँ – येँ महानगरपालिकां खोप अभाव जुयाः स्थगित जुयाच्वंगु कोभिड–१९ विरुद्धया खोप ज्याझ्वः हाकनं सुरु याःगु दु । येँ महानगरपालिका शहरी स्वास्थ्य तथा खाद्य पदार्थ नियमनया विभागं म्हिगः छगू सुचं पिथँसें थौं व कन्हय् भेरोसेल खोपा मात्रा काये मखंपिं खुइदँ व खुइछदँ दुपिं जेष्ठ नागरिकपिंत खोप बीगु जानकारी बिउगु दु ।

विभागं पितबिउगु सुचनय् न्हापांगु डोज काये मखंपिं ६० व ६१ दँ दुपिं ज्येष्ठ नागरिक, थ्व स्वयां न्ह्यः भेरोसेल खोपया न्हापांगु मात्रा कायेधुंकूपिं, स्वास्थ्यकर्मी, कोभिड–१९ बिरामीया प्रत्यक्ष जाँच, वासः यायेगु व हेरचाहलय् दुथ्याःपिं चिकित्सक, नर्सिङ व प्यारामेडिक्स विद्यार्थीपिंत खोप बीगु धयातःगु दु ।

थ्व खोप वीर अस्पताल, टिचिङ अस्पताल महाराजगंज, वीरेन्द्र सैनिक अस्पताल छाउनी व निजामित अस्पताल न्हू वानेश्वरय् सुथय् १० निसें ४ बजे तक बी ।