नाडाल व फेडेरर फ्रेन्च ओपनया क्वाटरफाइनलय्

विश्व नं. २ राफेल नाडाल व विश्व नं. ३ रोजर फेडेरर फ्रेन्च ओपन टेनिसया क्वार्टरफाइनलय् प्रवेश याःगु दु । स्पेनया स्टार कासामि नाडालं अर्जेन्टिनाया जुवाँ लोन्डेरोयात व स्वीस कासामि फेडेररं अर्जेन्टिनाया हे लियानार्डो मायरयात बुकाः अन्तिम च्यागुलिइ थाय् दयेकूगु खः ।
आइतवाः जूगु कासाय् झिंछक्वःया च्याम्पियन नाडालं लोन्डेरोयात ३–०या तप्यंगु सेटं बुकूगु खः ।

थ्व झ्वलय् नाडालं ६—२, ६—३ व ६—३ या ल्याखं सेट थःगु ल्हातय् लाकूगु खः । कासा त्याकेत नाडालयात २ घण्टा १३ मिनेट ई काल । अथेहे स्वीस कासामि फेडेररं नं मायरयात ३–०या तप्यंगु सेटं हे बुकल । फेडेररं ६—२, ६—३ व ६—३या सेटं बुकूगु खः । फेडेरर आः क्वार्टरफाइनलय् स्वीस कासामि स्टानिसलास वावरिन्का लिसे प्रतिस्पर्धा याइ ।

अथेहे नाडालं जापानया केइ निशिकोरी व फ्रेन्च कासामि बेनोइत पाइरीया दथुइया कासाय् सु त्यात वयालिसे अन्तिम च्यागुली म्हिती । यदि नाडाल व फेडेरर सेमिफाइनलय् प्रवेश यात धाःसा थुपिं हे निम्ह दथुइ सेमिफाइनलय् प्रतिस्पर्धा जुइ ।मेखे मिस्तय्पाखे जूगु कासाय् स्टेन वारिन्कां सिट्सीपासयात व जोहान कोन्टां डोना भेकिकयात बुकाः क्वाटरफाइनलय् प्रवेश याःगु दु ।