थनिंनिसें झिंनिगू शहरय् युरोकप (नेपाली इ कथं कासा ज्याझ्वः स्वयादिसँ)
एजेन्सी÷ युरोपेली राष्ट्रतय् दकलय् तःधंगु फुटबल धेंधेंबल्लाः युरो कप थनिंनिसें सुरु जुइत्यंगु दु । थाै बहनी ग्रिनवीच ई ८ ताः (नेपाली ई कथं १२ः४५ ) बजे न्हापांगु कासा इटलीया शहरय् रोमय् सुरु जुइ । न्हापांगु कासा इटली व टर्कि दथुइ जुइ ।
रोम सुरु जूगु २४ गू टिमं ब्वति काइगु थ्व धेंधेंबल्लाः इंग्ल्यान्डया वेम्ब्ले स्टेडियमय् वयाः क्वचाइ । वइगु जुलाई ११ तक जुइगु धेंधेंबल्लाःया सेमिफाइनल व फाइनल कासा वेम्बलेय् जुइ । थ्व बाहेक मेगु कासा रोम, बाकु, सेन्ट पिटर्सबर्ग, कोपेनहेगन, आम्स्ट्रडर्म, बुखारेस्ट, ग्लास्गो, सभिल्ला, म्यूनिख व बुडापेस्ट शहरय् जुइ ।
सन् २०२० य् जुइमाः युरो कप कोभिड १९ या कारणं दछि लिपा थुगुसी ग्वसाः ग्वःगु खः ।
थुगु धेंधेंबल्लाया समूह ए इटली, स्वीट्जरल्यान्ड, टर्कि व वेल्स, समूह बी इ बेल्जियम, रसिया, डेनमार्क, व फिनल्यान्ड, समूह सी इ युक्रेन, नेदरल्यान्ड, अस्ट्रिया व नर्थ मेसेडोनिया, समूह डी इ इंंग्ल्यान्ड, क्रोएसिया, चेक रिपब्लिक व स्कटल्यान्ड, समूह ई स्पेन, पोल्यान्ड, स्वीडेन व स्लोभाकिया, समूह एफय् जर्मनी, फ्रान्स, पोर्चुगल व हंगेरी लाःगु दु ।
LEAVE YOUR COMMENTS