सिपीएलय् सन्दिपया भाः थहां वन

क्यारेबियन प्रिमियर लिगय् नेपाःया स्टार कासामि सन्दिप लामिछाने बार्बाडस ट्राइडेन्टसं म्हितीगु जूगु दु । लिगया निंतिं बुधवाः लन्डनय् जूगु ड्राफ्ट पाखें सन्दिपयात बार्बाडस ट्राइडेन्टसं ७० हजार डलरं अनुबन्धित याःगु खः । वंगु सिजनय् सन्दिप सेन्टकिट्स एण्ड नेभिक प्याट्रिएटसं म्हितूगु खः ।

सन्दिपयात उबलय् सेन्टकिट्सं ५ हजार डलरं न्याःगु खः। उबलय् सन्दिपं न्यागू कासा म्हिताः न्हय्गू विकेट काःगु खः । वगु सिजनय् सिबे थुगु सिजनय् सन्दिपया भाः ६५ हजार डलर थहां वंगु खः ।सन्दिपलिसें सीपीएलया डाफ्टय् सोमपाल कामी, दिपेन्द्र सिंह ऐरी व रोहितकुमार पौडेल नं लाःगु खः । सीपीएल वइगु सेप्टेम्बर ४ निसे १२ अक्टोबरतक वेस्टइन्डिजय् जुइ ।