रोनाल्डोया पेनाल्टीइ गोल
मिलान (एजेन्सी) – इटालीया सिरी ए या सोमवा: जूगु कासाय् युभेन्ट्सं बोलोग्नायात २-० बुकूगु दु । थ्व जितय् क्रिस्टियानो रोनाल्डों पेनाल्टीपाखें न्हापांगु गोल या:गु ख: । कोपा इटालियाय् रोनाल्डो एसी मिलानविरुद्ध पेनाल्टीं गोल यायेत असफल जूगु ख: । बोलोग्नाविरुद्ध निगूगु गोल पउल डेबेलां यात । युभेन्ट्सया आ: २७ कासापाखें ६६ ल्या: जूगु दु । थ्व निगूगु थासय् च्वंगु लाजियोसिबें प्यंगु ल्या: अप्व: ख: । बुधवा: लाजियों एटलान्टाविरुद्ध म्हिती । थ्व कासा त्यायेवं युभेन्ट्स प्रशिक्षक मउरिजो सारीयात जुयाच्वंगु दबाब कम जूगु दु ।
LEAVE YOUR COMMENTS