क्रिसमसया इलय् अमेरिकाय् ओमिक्रोनया संक्रमण अप्वइगु ख्याच्वः

एजेन्सी( अमेरिकाया राष्ट्रपति जो बाइडेनया प्रमुख चिकित्सा सल्लाहकार व वरिष्ठ संक्रामक रोग विशेषज्ञ डा.एन्थोनी फाउचीं क्रिसमसया इलय् अमेरिकाय् ओमिक्रोनया संक्रमण अप्वइगु ख्याच्वः बिउगु दु ।

डा. फाउचीं कोरोनाया न्हूगु भेरियन्ट ओमिक्रोनया संक्रामक क्षमता अप्वः दुगु खँय् शंका मदु धासें सकसितं सतर्क जुयाच्वनेत नं धाःगु दु । डा.फाउचीं ओमिक्रोनं यानाः अमेरिकाया स्वास्थ्य प्रणालीइ प्रभाव लाकीगु व अवस्था सुधार जुयामवन धाःसा अमेरिकाया स्वास्थ्य प्रणाली व अस्पताल दबाबय् लाइगु नं धाःगुु दु ।

फाउचीं मास्क तयेत, सामजिक दुरीया पालना यायेत, कोरोनाया मापदण्ड पालना यायेत व बुस्टर डोज कायेत इनाप नं याःगु दु । अमेरिकाया रोग नियन्त्रण व रोकथाम केन्द्रया कथं कोरोना संक्रमित जूपिं मध्ये स्वंगू प्रतिशतयाके ओमिक्रोन खनेदुगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु