लिटिल प्रिन्स एन्ड प्रिन्सेज नेपाल क्वचाल

येँ – रेडियन्ट ईभेन्ट म्यानेजमेन्टया ग्वसालय् जूगु गुक्वःगु लिटिल प्रिन्स–प्रिन्सेज नेपाल—२०१९ या उपाधि आद्या कार्कीं त्याकल । वंगु शुक्रवाः थनया जमःस्थित राष्ट्रिय नाचघरय् जूगु धेंधेंबल्लाः कासाय् ५७ म्ह कासामियात लिउने लाकाः कार्कीं मुख्य उपाधी त्याकूगु खः ।

उपाधी त्याकादीम्ह कार्कीयात ग्वसाः खलः रेडियन्ट ईभेन्टया कार्यकारी निर्देशकलिसें फेसन डिजाइनर श्रीषा वैदार फैंजूं ताज पुइकादीगु खःसा संस्थाया संस्थापक निर्देशकलिसें अन्तर्राष्ट्रिय कोरियोग्राफर राज फैंजूं ट्रफी लःल्हानादीगु खः । लिटिल प्रिन्सेजय् जेसिका राई फस्ट रनरअप व गीता पाछाई सेकेन्ड रनरअप जुयादिल ।

लिटिल प्रिन्सपाखे विशान कटवालं उपाधी त्याकादिल । वय्कःयात सन् २०१८ या उपाधी विजेता जेनिस श्रेष्ठं ताज पुइकादीगु खः । कटवालयात डान्स कोरियोग्राफर अनुप डंगोलं ट्रफी लःल्हानादिल । लिटिल प्रिन्सपाखे सम्पन्न दाहाल फस्ट रनरअप व दीक्षान्त भण्डारी सेकेन्ड रनरअप जुयादिल ।

थुकथं हे वीरंगना अर्यालं मिनि प्रिन्सेजया उपाधी त्याकादीगु खःसा वय्कःयात लिटिल प्रिन्सेज–२०१७ या विजेतालिसें भारतय् जूगु एस्थेटिक किडस फेसनया नं उपाधी विजेता शैब्या घिमिरें ताज पुइकादीगु खः । थुगु विधाय् विदुसी शाही व प्राप्ती राजभण्डारी छसिकथं फस्ट व सेकेन्ड रनरअप जुयादिल ।

कासाय् ब्वति कयादीपिंत बेस्ट ट्यालेन्ट, बेस्ट स्माइल, बेस्ट आइज, सिन्सियर, पंच्युआलिटि लगायत थीथी टाइटल उपाधी नं लःल्हाःगु खः । कासाया निर्णायकमण्डलय् कर अधिकृत पुनम भट्ट, नेपाल महिला उद्यमी महासंघया नायः देवीका बुढाथोकी, ड्याफोडील स्कुलया गेम्स एन्ड स्पोर्ट्स डाइरेक्टर दीपक गुरुङ, मोडल अले नायिका क्षितिजा शाक्य व संचारकःमि बिराजकाजी राजोपाध्याय च्वनादीगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु