ने. सं. ११४६ बछलागा चौथी -

बागलुङया संक्रमितयात नं कन्हय् डिस्चार्ज याइगु

येँ – कोरोना भाइरसा (कोभिड-१९)या संक्रमण जूम्ह बागलुङया ६५दँया मिसायात कन्हय् अस्पतालं डिस्चार्ज याइगु जूगु दु ।

धौलागिरी अञ्चल अस्पताल बागलुङया आइसोलेसन वार्डय् वासः याकाच्वम्ह मिसया निगूगु परीक्षणया रिपोर्ट नं नेगेटिभ वयेवं डिस्चार्ज यायेगु तयारी याःगु खः । शनिवाः पोखराया प्रदेश जनस्वास्थ्य प्रयोगसालाय् याःगु लिप्पांगु रिपोर्ट नेगेटिभ वःगु खः । थ्वस्वयांन्ह्यः बिहीवाः याःगु रिपोर्ट नं नेगेटिभ वःगुु खः । चैत १९ गते अस्पताल भर्ना जुम्ह उम्ह संक्रमित बेल्जियमं कतार एयरपाखें नेपाः वःम्ह खः ।

थ्वस्वां न्ह्यः प्रान्सं दोहा जुयाः वःम्ह १९दँया मिसा थौं जक अस्पतालं डिस्चार्ज जूगु खः ।