कालधाराया संक्रमित नाप सम्पर्कय् वःपिनिगु परीक्षण याइगु

येँ – म्हिगः येँया कालधाराय् च्वम्ह कोरोना भाइरसया संक्रमण खनेदुम्ह ६९दँया मिजं नाप सम्पर्कय् वःपिनिगु पीसीआर परीक्षण थौं याइगु जूगु दु । संक्रमित मनूया सम्पर्कय् वःपिं १७म्हेसिया पहिचान जूगु व उमि फुक्कसिगु थौं परीक्षण जुइगु खँ वडा नम्बर १६या दुजः पुष्प महर्जनं धयादिल । थ्वस्वयां न्ह्यः संक्रमित मनूया जहानया नं कोरोना परीक्षण याःगु खःसां लिच्वः नेगेटिभ वःगु खः । थ्वहे झ्वलय् महानगरीय प्रहरी वृत्त सोह्रखुट्टें संक्रमित मनूया छेँ जःखया ३० मिटर तक सिल याःगु दु ।

सम्बन्धित बुखँ

LEAVE YOUR COMMENTS