इन्फिनिटीया शेयर १३ जेठय्

येँ – इन्फिनिटी लघुवित्त वित्तीय संस्थां वइगु जेठ १३ गते निसें साधारण शेयर पितबीगु जूगु दु । कम्पनीं सछि तका अंकित ६ लाख २९ हजार ९३० कित्ता शेयर सर्वसाधारणया निंतिं पितबी त्यंगु खः । कम्पनीया जारी पुँजी २० करोडया ३२.५ प्रतिशतया ल्याखं ६ करोड ७४ लाख तका बराबरया ६ लाख ७४ हजार कित्ता साधारण शेयर पित वयेत्यंगु खःसा थुकी मध्ये १० हजार ३७० कित्ता कर्मचारीतय् निंतिं, ३३ हजार ७०० कित्ता सामूहिक लगानीकोषया निंतिं छुटे यानाः ल्यंदुगु शेयर सर्वसाधारण निंतिं पितबीत्यंगु खः । कम्पनी शेयर विक्री जेठ १६ गते बन्द जुइ ।
नेपाल धितोपत्र बोर्डं वंगु वैशाख २३ गते कम्पनीयात साधारण शेयर पितबीत स्वीकृति बिउगु खः । केयर नेपालया वित्तीय विश्लेषण कथं कम्पनीयात औसत स्वयां म्हो ग्रेड ४ या रेटिङ्ग बियातःगु दु ।