माघ १८ निसें क्यान इन्फोटेक

येँ – कम्प्युटर ऐशोसियसन अफ नेपाल (क्यानं) दँय्दसं याना वयाच्वंगु इन्फोटेक मेला थुगुसी वइगु माघ १८ निसें २३ गते तक येँया भृकुटी मण्डपय् जुइगु जूगु दु ।

क्यानं म्हिगः छगू पत्रकार सम्मेलन यासें थुगुसी क्यान इन्फोटेक भौतिक व भर्चुअल निगुलिं स्वरुपं ग्वसाः ग्वयागु जानकारी बिउगु खः । थुगुसीया मेलाय् २७ औं संस्करणया खः । थुगुसीया ब्वज्याय् नं न्हापा लिपा थें क्यानया दुजः संस्था लिसें सूचना प्रविधि सम्बन्धी राष्ट्रिय अन्तर्राष्ट्रिय कम्पनीतय्सं ब्वति काइगु जानकारी पत्रकार सम्मेलन बिउगु दु ।

इन्फोटेकय् थुगुसी २०२२ य् ब्रान्डिङ जुइगु, आइसिटी एक्सेसरिज, गेम पार्लर, प्रडक्ट लञ्च, स्टार्टअप, रोबोटिक्स, इमर्जिङ, टेक्नोलोजि, इ वेस्ट म्यानेजमेन्ट, वाइफाइ व इन्टरनेट, लर्निङ सेन्टर आदिया बिस्कं बिस्कं कक्ष दइगु खँ धाःगु दु । ब्वज्याय् सफ्टवेयर, नेटवर्किङ व क्लाउड सोलुसन, मोबाइल फोन, इलेक्ट्रिकल तथा इलेक्ट्रोनिक्स, सोलार पावार सिस्टम, इन्भर्टर, युपिएस, ल्यापटप, डेस्कटप कम्प्यूटर, प्रिन्टर, पावर सिस्टम, कम्प्यूटर एसेसरिज, एन्टिभाइरस, सिसिटिभी, हार्डडिस्क, आइओटी सम्बन्धी ज्वलं लिसें आर्टिफिसियल इन्टलिजेन्स सम्बन्धी, आइटी कलेज, बैंक, बीमा, लेखा सफ्टवेयर, सरकारी ख्यलय् छ्यलाबुला जुइगु सफ्टवेयर, स्वास्थ्य, पर्यटन व कृषि सूचना प्रविधि, सेल्फ लर्निङ सफ्टवेयर सम्बन्धी जानकारी बीगु खँ धाःगु दु ।

क्यान इन्फोटकया निंतिं थनिंनिसें स्टल बुकिङ सुरु जूगु दु ।