मंकाः धुकूया झिंनिक्वःगु साधारणसभा

येँ (नेपालभाषा टाइम्स) – मंकाः धुकू बचत तथा ऋण सहकारीया झिंनिक्वःगु साधारणसभा म्हिगः जुल । थुगुसी कोभिड महामारीया कारणं तःम्ह मनू मुने मजिउगु सरकारी नीतिया पालना यासें मंकाः धुकूया पदाधिकारीपिं व थीथी समितिया दुजःपिं जक मुनाः साधारणसभा सम्पन्न याःगु खः । मंकाः धुकूया अध्यक्ष बालकृष्ण प्रजापतिया सभापतित्वय् उगु साधारणसभा जूगु खः । मंकाः धुकूपाखें वंगु छवाः तक सहकारीया दुजःपिंत उपस्थितिइ हस्ताक्षर याकेगु ज्या याःगु खःसा म्हिगः सीमित मनू जक मुनाः साधारणसभा याःगु खः ।