हाकनं शेयर बजाः कुहां वयेगु सुरु

येँ –  वंगु वालय् तक बांलानाच्वंगु शेयर बजाः स्वन्हु न्ह्यवंनिसें कुहां वयेगु झ्वलय् सोमवाः नं ८.१० अंकं कुहां वन । वंगु वाःया बिहिवाः निसें कुहां वंगु शेयर बजाः लगातार स्वन्हु तक कुहां वनेधुंकूगु दु । सोमवाः नं कुहां वयेवं नेप्से परिसचूक १२१०.८८ अंकय् थ्यंगु दु । थ्व स्वन्ह्ुया दुने जक नेप्से २३ अंकं कुहां वंगु खः । वंगु वालय् धाःसा ४० अंकं थहां वंगु खः ।

आः शेयर बजाः कुहां वंगु धाःसा बजारय् चलखेल याइपिनिगु कारणं जूगु खँ धाःगु दु । बैंकतय्सं ब्याजदर क्वकायेत्यंगु इलय् नं बजाः कुहां वंगु धयागु निश्चित मनूतय्सं थःगु स्वार्थया निंतिं बजारय् चलखेल याःगु खँ धाःगु दु । शेयर भाः कुहां वंगु इलय् शेयर मियावंपिं छुं पुचः आः भचा थहां वंगु इलय् नं शेयरया भाः क्वकायेत हे चलखेल यानाच्वंगु लगानीकर्तातय्सं द्वपं बिउगु दु ।

शेयर बजाः कुहां वनेवं कारोवार रकम नं कुहां वंगु दु । आइतवाः १६६ गू कम्पनीया ३२ करोड ७० लाख तका बराबरया १२ लाख ७२ हजार कित्ता शेयर न्यायेमी जूगु खःसा सोमवाः २८ करोड तका बराबरया जक कारोवार जूगु खः । बजाः थहां वनाच्वंगु इलय् छन्हुं हे ७२ करोड तका तकया कारोवार जूगु खः ।

सम्बन्धित बुखँ

LEAVE YOUR COMMENTS