जर्मनीइ फुटबल सुरु, डर्टमन्ड त्यात

डर्टमन्ड (एजेन्सी) – कोरोना भाइरस संक्रमण महामारीया दथुइ जर्मनीइ शुक्रवा: हाकनं फुटबल सुरु जूगु दु, अले थुकिया न्हापांगु न्हि बोर्सिया डर्टमन्डं महत्त्वपूर्ण जित प्राप्त या:गु दु । डर्टमन्डं साल्का ०४ यात अपुक हे ४–० गाेलं बुकल । उकिइ इर्लिङ ब्रट हल्यान्डं न्हापांगु गोल या:गु ख: । थ्व कासा लिपा डर्टमन्डं लिगय् न्हापांगु थासय् लाना च्वंगु बायर्न म्युनिखनापया दूरी छगू ल्या: या:गु दु । बायर्नया ५५ ल्या: दु धा:सा डर्टमन्डया ५४ ल्या: जूगु दु । स्वंगुगु थासय् च्वंगु लेपजिपं धा:सा फ्रेइबर्गनाप १–१ या बराबरी म्हितल । लेपजिप ५१ ल्याखय् हे सीमित जुल । मेगु छगू कासाय् हर्था बर्लिनं होफनहायनलाई ३–० गाेलं बुकल ।

सम्बन्धित बुखँ

LEAVE YOUR COMMENTS