विश्वन्यंकं छगू हे इलय् थीथी ज्याझ्वः यासें प्रेस स्वतन्त्रता दिवस हन
येँ – इन्टरनेशनल नेपाली जर्नालिष्ट एशोसियसन (इन्जां) २६ क्वःगु विश्व प्रेस स्वतन्त्रता दिवस विश्वन्यंकं छगू हे इलय् थीथी ज्याझ्वः यासें हंगु दु । इन्जाया अमेरिका, युरोप, अस्ट्रेलिया व एशिया महादेशय् दुगु संगठनं डिजिटल प्रविधिपाखें विशेष भिडियो सार्वजनिक यासें उगु दिवस हंगु खः ।
संयुक्त राष्ट्र संघया युनेस्कों थुगुसी विश्व प्रेस स्वतन्त्रता दिवसया लसताय् ‘संचार व प्रजातन्त्र ः गलत समाचारया इलय् पत्रकारिता व चुनौति’ धइगु नारा बिउगु खः ।
इन्जाया युनेस्कोया अन्तर्राष्ट्रिय सम्बन्ध प्रमुख जर्ज पापागिएनिसं राष्ट्र संघया मुख्यालयं, इन्जाया अध्यक्ष गुणराज लुइँटेल व वरिष्ठ उपाध्यक्ष सुनीलमणि दाहालं वाशिंगटनस्थिति मुख्यालयं, अस्टे«लियाया संयोजक मनऋषि धितालं अस्टे«लियां, एशिया संयोजक टंक पन्तं येँय् नं, युरोपया संयोजक अनुराधा पौडेलं फ्रान्सं, अमेरिका संयोजक भूपेन्द्र थापां न्यूयोर्कं व क्यानाडा संयोजक डा. किस्मत भण्डारीं टोरन्टों छगू हे इलय् मंकाःकथं विशेष भिडियो सार्वजनिक यानादीगु खः ।
भिडियो सन्देश सार्वजनिकलिसें पत्रकारलिसेंसांसद कोमल वली, नेपाल पत्रकार महासंघया नायः गोविन्द आचार्य, सूचना आयोगया आयुक्त यशोदा तिम्सिना, इन्जाया संरक्षकपिं योगेश उपाध्याय व रामचन्द्र खरेललिसें डा. तारा निरौला, डा. दुर्गा दाहाल, डा. गोपी उप्रेती, डा. मन्जु मिश्र, प्रा. रामकृष्ण रेग्मी लगायत संस्थाया सल्लाहकार, थीथी देशय् च्वंपिं पत्रकार व फ्रेन्डस् अफ इन्जाया पदाधिकारीपिंसं नुगःखँ तयादीगु खः ।
थ्व हे झ्वलय् इन्जां ‘कनेक्ट, एजुकेट एण्ड इन्स्पायर’ धइगु एजेन्डायात न्ह्यःने हयाः खुल्ला व अन्तर्राष्ट्रिय संजालय् ब्वति कायेत इनाप यासें पत्रकारिता, पेशागत हकहित व दक्षता विकासय् सहभागि जुइत नं इनाप याःगु दुसा विश्वन्यंकंया निरंकुश सरकारयात अभिव्यक्ति व प्रेस स्वतत्रताया व्यवहारय् लागू यायेत हाथ्या बिसें न्ह्यागुकथंया संघर्ष यायेत नं तयार दु धाःगु दु ।
LEAVE YOUR COMMENTS