थाइ जुजुया राज्याभिषेक

थाइल्यान्डया जुजु महा–वाचिरालङकनयात राज्याभिषेक समारोहया न्हापांगु न्हि कुन्हु राजमुकुट पुइकूगु दु । राज्याभिषके समारोह म्हिगः निसें स्वन्हुयंकं न्ह्याःगु खः । थाइल्यान्डय् ताःई शासन याःम्ह जुजु भूमिपोन अदून्यदेतया निधन लिपा सन् २०१६ य् वजाचिरालङकन जुजु जूगु खःसा थुगुसी तिनि राज्यभिषेक याःगु खः ।

वाचिरालङकन् मदुम्ह जुजु अदून्यदेतव लानि सिरिकिटया निम्हम्ह सन्तान व न्हापांम्ह काय कथं सन् १९५२ जुलाई २८ य् बूम्ह खः ।
जुजु वाचिरालङ्कनं राज्याभिषेक जुइ छुं न्हि न्ह्यव जक थः ताःई न्ह्यवनिसेंया प्रेमिकालिसे ब्याहा यानाः न्हूम्ह लानि सुटिडा वाचिरालङ्न जुइगु घोषणा याःगु खः । सुटिडा ताःई तक वाचिरालङ्कनया सुरक्षा गार्ड जुयाच्वंम्ह खः ।

सुटिडा जुजु वाचिरा–लङ्कनया प्यम्हम्ह कलाः खःसा थ्वयां न्ह्यवयापिं स्वम्हं कलाःपिंत पारपाचुके धुंकूगु दु । थाइल्यान्डय् संवैधानिक राजतन्त्र न्ह्यानाच्वंगु दु । थनया राजपरिवारयात थाइतय्सं तसकं श्रद्धा पूर्वक स्वयेगु याः । थाइल्यान्डय् राजपरिवारया आलोचना यायेमदुगु कडा कानुन लागु जुयाच्वंगु दु ।

सम्बन्धित बुखँ

LEAVE YOUR COMMENTS