ने. सं. ११४६ तछलाथ्व षष्ठी - सिथि नखः कुमार षष्ठी

आवासीय बहाल कर ५ प्रतिशत जक

येँ (नेपालभाषा टाइम्स) – येँ महानगरपालिकां वइगु आर्थिक दँया निंतिं बहाल करय् हिउपाः हःगु दु । येँमपाया कार्यवाहक प्रमुख सुनिता डङ्गोलं वइगु आर्थिक दँया निंतिं बिहीवाः न्ह्यब्वःगु बजेटय् बहाल कर दरय् हिउपाः हःगु खः । न्हूगु करदर कथं आवासीय प्रयोजनया निंतिं बालं बियातःगु छेँबुँया बालं बियाः वःगु आम्दानी वार्षिक २ लाख ४० द्वःस्वयां म्हो जूसा ५ प्रतिशत व व स्वयां अप्वः जूसा ७ प्रतिशत जक पूसां गाइगु जूगु दु ।थ्वयां न्ह्यः आवासीय व व्यापारिक प्रयोजन न्ह्यागुया निंतिं बालं बियातःगु खःसां १० प्रतिशत हे पुलेमाःगु व्यवस्था जुयाच्वंगु खः ।