ससफोया नगर कमिटीया अधिवेशन
येँ – संघीय समाजवादी फोरम नेपालया येँ जिल्लाय् लाःगु थीथी नगरपालिका कमिटीया अधिवेशन जुल । पार्टीया न्ह्यःने वयाच्वंगु महाधिवशेनयात ध्यानय् उकथं नगरपालिका कमिटीया अधिवेशन जूगु खः ।थ्व झ्वलय् नागार्जुन नगरपालिकाया न्हापां नगर अधिवेशन जूगु दु । अधिवेशनया उलेज्या पार्टी सहअध्यक्ष राजेन्द्रप्रसाद श्रेष्ठं यानादीगु खः ।
अधिवेशन उलेज्याझ्वलय् नवासें सहअध्यक्ष श्रेष्ठं आःया संघीयता प्रशासनिक संघीयता जक जूगु धासें थज्याःगु संघीयता दुगु स्वयां मदुगु हे बांलाः धयादिल । प्रतिनिधिसभा सदस्य तकं जुयाच्वनादीम्ह वय्कलं संघीयताय् प्रदेशया मुख्यमन्त्रीया मातहतय् दयेमाःम्ह प्रमुख जिल्ला अधिकारीयात केन्द्रया मातहतय् तयेगु धइगु प्रदेशयात कमजोर यानाः संघीयता असफल यायेगु प्रपञ्च खः धयादिल ह।
कम्युनिष्ट पार्टीत सत्ताय् च्वनाच्वंगु इलय् प्रधानमन्त्री निवास थेंज्याःगु बालुवाटारया जग्गा व खुल्लामंचय् सटर पिकयाः व्यापारीकरण यायेगु लज्जा चायापुगु खँ खः धयादिल । ससफो नागार्जुन नगर कमिटीया अध्यक्ष अर्जुन गिरीया अध्यक्षताय् जूगु भेलाय् पार्टीया राजनीतिक समितिया दुजः राजन केसीं ससफो दक्वं जात जाति व जनजातिया पार्टी खः धासें वर्गीय, जातीय, भाषिक, सांस्कृतिक सकतां कथंया उत्पीडनया अन्त्यया निंतिं ससफोय् आवद्ध जुइत इनाप यानादिल ।
अधिवेशनय् जिल्ला अध्यक्ष मनरत्न शाक्य, प्रदेश नं. ३या सचिव अर्जुन लम्साल, जिल्ला समितिया दुजःलिसें नगर कमिटीया पुलांम्ह अध्यक्ष हिराकाजी महर्जन, मिसा नेतृ सोनामा लामा शाक्यपिंसं नं नवानादीगु खः । अधिवेशनलं सोनाम लामा शाक्यया अध्यक्षताय् झिंन्हय्म्हेसिया नगर कमिटीया नं न्हूधाः याःगु खः ।
नगर कमिटीया न्हूगु ज्यासना पुचलय् दिवाकरराज गिरी उपाध्यक्ष, अर्जुन थापा सचिव, भवानी गिरी कोषाध्यक्ष व दुजलय् भानु सिं सुवाल, राजेन्द्र डंगोल, दिनेश नगरकोटी, बसन्त नगरकोटी, संजोक राई दिपक श्रेष्ठ, सानुकान्छा पुतुवार लगायत च्वनादीगु दु । थुकथं हे तारकेश्वर नगरपालिकाया नं न्हापांगु नगर अधिवेशन जुल ।
नगर कमिटीया अध्यक्ष कमल लामाया अध्यक्षताय् जूगु ज्याझ्वलय् पार्टी सहअध्यक्ष राजेन्द्रप्रसाद श्रेष्ठ मूपाहांकथं झायादीगु खः ।
अभिवेशनं लामाया हे नेतृत्वय् झिंन्याम्हेसिया नगर कमटिीया न्हूगु ज्यासना पुचः नं ल्यःगु दु ।
न्हूगु नगर कमिटिइ कुमार पुतुवार उपाध्यक्ष, कृष्ण पुतुवार सचिव, विष्णु श्रेष्ठ कोषाध्यक्ष, दिनेश पुतुवार सहसचिवय् च्वनादीगु दु ।थुकथं हे दुजलय् कुमार दमाइ, पुनम तामाङ, शान्ति तामाङ, गोपाल विक, दिपक अर्याल, शम्भु रम्तेल सलिना पुतुवार, मंगल राजभण्डारी निर्वाचित जुयादीगु दु ।
LEAVE YOUR COMMENTS