भर्जिल भान पिएफए वर्ष कासामि

लिभरपुलया डिफेन्डर भर्जिल भान डाइकं प्रोफेशनल फुटबलर्स एसोसिएसन (पिएफए)या २०१८—१९ प्लेयर अफ द इयरया अवार्ड त्याकूगु दु । मिस्तय्पाखे आर्सनलया भिभियन मेडिमायात (पिएफए) २०१८—१९ प्लेयर अफ द इयरया अवार्ड बिउगु दु । भान डाइक व भिभियन मेडिमा निम्हं डच कासामि खः ।

भान डाइकं लिभरपुलया साडियो माने, चेल्सीया इडेन हजार्ड, म्यानचेस्टर सिटीया सर्जियो एग्युरो, बर्नाडो सिल्भा व रहिम स्ट्रलिङ्गयात लिउने लाकाः थ्व अवार्ड त्याकूगु खः।पिएफए युवा कासामिया अवार्ड म्यानचेस्टर सिटीया रहिम स्ट्रलिङ्गं त्याकल ।

रहिम स्ट्रलिङ्ग लिसें थ्व अवार्डया मनोनयनय् सिटीया बर्नाडो सिल्भा, म्यानचेस्टर युनाइटेडया मार्कस रास्फोर्ड, बर्नमाउथया डेभिड ब्रोक्स, लिभरपुलया टे«न्ड आर्नोल्ड व वेस्टह्यामया डिक्लेन राइस लाःगु खः । मिसापाखेया युवा कासामिया अवार्ड नं म्यानचेस्टर सिटीया जर्जिया स्टेनवें त्याकल ।

एजेन्सी

च्वमिया मेमेगु

• युद्धया किचलय् इरान व इजरायल
• परमाणु हतियार सुयाके गुलि दु ?
• कोरोना भाइरस : छाय् यक्व ल्याय्म्हत संक्रमित जुयाच्वन ?
• बेलायत-चीन : व्यापार यायेगु कि विवाद
• बलिउड अभिनेताया आत्महत्यां ल्ह्वंगु मानसिक स्वास्थ्यया बहस