रोनाल्डोयात बलात्कारया द्वपं
एजेन्सी- पोचुर्गलया स्टार कासामि क्रिष्टियानो रोनाल्डोयात अमेरिकाया छम्ह मिसां बलात्कारया द्वपं बिउगु दु । उगु द्वपंयात रोनाल्डाें धाःसा अस्वीकार याःगु दु । जर्मन म्याग्जिन ‘डेर स्पिइगल’य् रोनाल्डों बलात्कार याःगु समाचार पिहांवःगु खः ।
क्याथरिन मायोर्गा नांयाम्ह ३४ दँया उम्ह मिसां सन् २००९लय् रोनाल्डाें लस भेगासया छगू होटलय् बलात्कार याःगु व थ्व घटना लिपा थःम्हं पुलिसय् उजुरी नं तयागु खँ धाmगु दु । उम्ह मिसां सन् २०१०य् रोनाल्डो पाखें ३ लाख ७५ हजार डलर दां बिउगुलिं अदालतय् मवनागु समाचारय् धयातःगु दु ।
रोनाल्डों धाःसा थ्व द्वपं मिथ्या जूगु खँ धाःगु दु । इन्स्टाग्रामय् छगू भिडियो पोष्ट यासें रोनाल्डों धाःगु ‘जिगु नां छ्यलाः व मिसां थःत प्रमोट याःगु खः, थ्व समान्य खः ।’ रोनाल्डोया वकिल क्रिष्टियन सेर्टजं बलात्कारया समचार छापे याःगु जर्मन म्याग्जिन विरुद्ध मानहानीया मुद्दा तयेगु धाःगु दु । म्याग्जिनय् पिहांवःगु समाचार गम्भीर जूगु व रोनाल्डोया नैतिकताय् असर लाःगु वकिलया दावी दु ।
LEAVE YOUR COMMENTS