३ नं. प्रदेशया मुख्यमन्त्री जुइगु निंतिं पौडेलपाखें प्रस्ताव दर्ता

येँ– प्रदेश नं. ३या मुख्यमन्त्री जुइगु निंतिं प्रदेशसभा सदस्य डोरमणि पौडेलं प्रदेश प्रमुखया ज्याकुथिइ थौं न्हिनय् प्रस्ताव दर्ता यानादीगु दु । थौं न्हिनय् १ बजे हेटांैडाया बसपार्कय् च्वंगु ज्याकुथिइ प्रस्ताव दर्ता यानादीगु खः ।
एमालेया रामेश्वर फुँयाल प्रस्तावक व माओवादी केन्द्रया संसदीय दलया नेता शालिकराम जम्मकटेलया समर्थनय् प्रदेश ज्याकूया सचिव चतुर्भुज ज्ञवाली समक्ष प्रस्ताव दर्ता यानादीगु खः ।
पौडेल शुक्रवाः एमालेया संसदीय दलया नेता कथं निर्वाचित जुयादीगु खः । वय्कः अष्टलक्ष्मी शाक्ययात पराजित यासें संसदीय दलया नेता जुयादीगु खः ।
एमालेया सांसदतय् बहुमत दुगुलिं वय्कःयात कन्हय् हे मुख्यमन्त्रीया शपथग्रहण याकीगु खँ धाःगु दु ।