जुम्ल्याहा मचाया अबु निम्ह !

चीनय् हालय् छम्ह मिसां जुम्ल्याहा मचा बुइकल । खतुं जुम्ल्हाया मचा बुइगु छुं न्हूगु, अजू चायापुगु वा तःधंगु खँ मखु । तर अजू चायापुगु व विश्वास याये थाकूगु खँ छु धाःसा उम्ह मिसां जन्म बिउपिं जुम्ल्याहा मचाया मां छम्ह हे जूसां अबु धाःसा निम्ह जूगु खँ पत्ता लगे जूगु दु । उम्ह मिसां मचा बुइकेवं मस्तय् डीएनए परीक्षण याःगु इलय् मस्तय् अबु निम्ह अर्थात फरक फरक जूगु पत्ता लगे जूगु खः ।

मस्तय् डीएनए परीक्षणं इमि अबु फरक फरक जुइवं चिकित्कसत नं अजू चाःगु दु । मस्तय्गु जन्म दर्ता यायेत शियामेन प्रहरी ज्याकुथिइ वंगु इलय् घटना सार्वजनिक जूगु अन्तर्राष्ट्रिय संचारमाध्यमं न्ह्यथंगु दु । प्रहरी मस्तय् जन्म दर्ता यायेत इमिगु डीएनए परीक्षणण रिपोर्ट माग याःगु खः । वयां लिपां डीएनए परीक्षण याःगु इलय् मस्तय् अबु फरक फरक जूगु पत्ता लगे जूगु खः ।

घटनाकथं डीएनए परीक्षण लिपा उम्ह मिसां थः भाःतयात झंगः लानाः मेम्ह हे मिजं नापं सम्बन्ध तःगु खुलासा जूगु खः । डीएनए परीक्षण लिपा प्रहरीं थप जानकारी कायेगु ल्याखं उम्ह मिसायाके प्रहरी व मिसाया भाःत न्यनेकने याःगु इलय् मिसां मेम्ह मिसालिसे सम्बन्ध दुगु स्वीकार याःगु खः ।