जैसीदेवल युथ क्लबया नीस्वक्वःगु साधारण सभा

येँ – थनया न्हूघलय् च्वंगु जैसीदेवल युथ क्लबया नीस्वक्वःगु साधारणसभा म्हीग शनिवाः च्वबहाःस्थित मञ्जुश्री पार्कय् जुल । क्लबया अध्यक्ष राजेश प्रजापतिया सभापतित्वय् जूगु ज्याझ्वलय् क्लबया महासचिव चन्द्रगोपाल प्रधानं क्लबया प्रगति विवरणलिसे भावि योजना न्ह्यब्वयादीगु खःसा कोषाध्यक्ष गिरीधर श्रेष्ठं आय व्यय विवरणया न्ह्यब्वयादीगु खः ।

ज्याझ्वलय् क्लबं मिसापिंत हःपाः बीकथं क्लबया पदाधिकारी दुजःलिसें सल्लाकारया तिरिमय्जुपिनिगु ‘सामुहिक भाउजु–बुहारी समूह’ नं गठन याःगु खः । लिसें क्लबया रजत महोत्सवया लसताय् पिथंगु स्मारिकाय् लेख, रचना च्वयादीपिं, विज्ञापन व आर्थिक ग्वाहालि यानादीपिंनापं नेपालभाषासेवी, व साहित्यकार मदुम्ह नातिवज्र वज्राचार्य, स्वतन्त्र फोटो पत्रकार रेखा शाक्य, उपत्यका एफएमया ज्याझ्वः न्ह्याकामिपिं मय्जु लजना मानन्धर व मय्जु कविता श्रेष्ठ, साहित्यकार दिब्या ताम्राकार, ब्यूटिशियन ईश्वरी कारंजित, थेरापिष्ट पवन श्रेष्ठ, च्वमि सुरज मालाकार, कविरमान नापित, विष्णुलाल श्रेष्ठयात मूपाहां येँ क्षेत्र नं. ९ या सांसद् कृष्णगोपाल श्रेष्ठ व येँमपा २१ वडाअध्यक्ष उदयचुडामणि वज्राचार्यंं खादा न्ययेकाः कदरपत्र लःल्हानादीगु खः ।

ज्याझ्वलय् नेपाली कांग्रेस केन्द्रीय दुजः ध्यानगोविन्द रंजितं क्लबया पदाधिकारी व दुजःपिंत बधाईनापं भिंतुना बियादीगु खः ।

सम्बन्धित बुखँ

LEAVE YOUR COMMENTS